ایران نے جوہری معاہدے کی بحالی کے لئے گیند کو امریکہ کے میدان میں پھینک دیا ہے جبکہ دونوں فریقوں اور عالمی طاقتوں کے درمیان مشاورت کے مقصد سے ہونے والے بالواسطہ مذاکرات کو اختلافات کی وجہ سے ملتوی کردیا گیا ہے کیونکہ ایک نئے معاہدہ کی کیفیت کے سلسلہ میں ان اختلافات پر قابو پانا ضروری ہے۔
روئٹرز کے مطابق ایران کے چیف مذاکرات کار عباس عراقجی نے سرکاری ٹیلی ویژن کو بتایا ہے کہ خلا کو ختم کرنے کے لئے ایسے فیصلوں کی ضرورت ہے جو بنیادی طور پر دوسرے فریق (واشنگٹن) کو لینا چاہئے اور انہوں نے یہ بھی کہا کہ اب ہم کسی معاہدے کے قریب سے قریب تر ہیں لیکن ہمارے اور معاہدے کے مابین ایک ایسا خلا ابھی باقی ہے جسے پورا کرنا آسان کام نہیں ہے۔
ویانا مذاکرات میں ہم آہنگی کرنے والے یوروپی یونین کے مندوب اینریک مورا نے نامہ نگاروں کو بتایا ہے کہ ہم نے اس ہفتے چھٹے دور میں پیشرفت کی ہے۔(۔۔۔)
پیر 11 ذی قعدہ 1442 ہجرى – 21 جون 2021ء شماره نمبر [15546]
