گزشتہ روز خادم حرمین شریفین شاہ سلمان بن عبد العزیز نے ریاض کے الیمامہ پیلس میں مصری صدر عبد الفتاح السیسی کا استقبال کیا ہے اور شاہ سلمان نے صدر السیسی اور ان کے ساتھ آنے والے اس وفد کا خیر مقدم بھی کیا ہے جنہوں نے سعودی عرب کے دورے اور خادم حرمین شریفین سے ملاقات پر اپنی خوشی کا اظہار کیا ہے۔
اس کے بعد سعودی ولی عہد شہزادہ محمد بن سلمان اور صدر عبد الفتاح السیسی نے بات چیت کی ہے جس میں دونوں ممالک کے درمیان قدیم دوطرفہ تعلقات کے پہلوؤں، مختلف شعبوں میں انہیں ترقی دینے کے مواقع، علاقائی اور بین الاقوامی حالات میں ہونے والی پیش رفت پر تبادلہ خیال کیا ہے اور ساتھ ہی مشترکہ دلچسپی کے تمام امور اور ان کے لیے کی جانے والی کوششوں کے بارے میں بھی گفتگو کی ہے۔(۔۔۔)
بدھ 06 شعبان المعظم 1443 ہجری - 09 مارچ 2022ء شمارہ نمبر[75]
