سعودی ولی عہد ترقی اور اختراع کے لیے روڈ میپ تیار کر رہے ہیں

سعودی عرب کے نائب وزیراعظم اور سپریم کمیٹی برائے تحقیق، ترقی اور اختراع کے چیئرمین پرنس محمد بن سلمان بن عبدالعزیز نے  آئندہ دو دہائیوں کے لیے سعودی عرب میں تحقیق، ترقی اور اختراع کے لیے قومی امنگوں اور ترجیحات کا اعلان کرتے ہوئے مملکت میں تحقیق، ترقی اور اختراع کے لیے روڈ میپ کا خاکہ پیش کیا، جو کہ 4 اہم ترجیحات پر مبنی ہے، ان کی نمائندگی میں انسانی صحت، ماحولیاتی پائیداری، بنیادی ضروریات، توانائی و صنعت میں قیادت اور مستقبل کی معیشتیں شامل ہیں، جو مملکت کی عالمی مسابقت اور قیادت کو بڑھاتی ہیں۔ یہ "سعودی وژن 2030" کی ہدایات کے مطابق ہے اور خطے کی سب سے بڑی معیشت کے طور پر اسکی پوزیشن کو مستحکم بناتا ہے۔
اس اعلان کا آغاز کرتے ہوئے سعودی ولی عہد نے کہا: "ہم نے تحقیق، ترقی اور اختراع کے شعبے کے لیے پرعزم خواہشات کو اپنایا ہے تاکہ مملکت دنیا میں جدت طرازی کے علمبرداروں میں سے ایک بن جائے۔ اس شعبے پر 2040 میں سالانہ اخراجات ملکی پیداوار (جی ڈی پی) کے 2.5 فیصد تک پہنچ جائیں، تاکہ یہ شعبہ 2040 میں پیداوار میں 60 بلین سعودی ریال کا اضافہ کر کے قومی معیشت کی ترقی اور تنوع میں حصہ ڈالے اور ان شاء اللہ سائنس، ٹیکنالوجی اور اختراع میں ہزاروں اعلیٰ معیار کی، اعلیٰ قدر والی ملازمتیں پیدا ہوں گی،"(...)

جمعہ - 2 ذی الحجہ 1443ہجری - 01 جولائی 2022ء، شمارہ نمبر [15921]