یوکرینی فوج کو طویل فاصلے تک مار کرنے والے مغرنی ہتھیاروں کی وصولی کے جواب میں روس نے گزشتہ دنوں کے دوران یوکرین کے کئی شہروں پر میزائل داغے اور اس کے عسکری ذرائع نے جارحیت کے نئے مرحلے کے لیے روسی افواج کی تیاری کے بارے میں بتایا۔
یوکرینی ملٹری انٹیلی جنس کے ترجمان واڈیم سکیپتسکی نے حالیہ روسی حملوں پر تبصرہ کرتے ہوئے کہا کہ: "ہم فرنٹ لائن پر بمباری دیکھ رہے ہیں، جس سے واضح ہے کہ حملے کے اگلے مرحلے کی تیاریاں جاری ہیں۔" یوکرین کی فوج نے کہا کہ روس ڈونیٹسک کے علاقے میں سلاویانسک شہر پر حملے کے لیے دوبارہ منظم ہو رہا ہے۔ جیسا کہ برطانوی وزارت دفاع نے اتوار کے روز کہا تھا کہ روس جنوبی یوکرین کے ان علاقوں میں اپنی دفاعی پوزیشن مضبوط کر رہا ہے جن پر اس کا قبضہ ہے۔
یہ یورپی یونین کے وزرائے خارجہ کے اجلاس کے موقع پر سامنے آیا ہے جس میں روس کے خلاف پابندیاں سخت کرنے پر بات چیت کی جائے گی۔ وزراء کئی معاملات پر تبادلہ خیال کریں گے جن میں یورپی یونین کی پابندیوں کو اس کے "G7" شراکت داروں کے ساتھ ہم آہنگ کرنے کے لیے یورپی کمیشن کی طرف سے روس سے سونے کی خریداری پر پابندی کی تجویز بھی شامل ہے۔ (...)
پیر - 19 ذوالحجہ 1443ہجری - 18 جولائی 2022ء، شمارہ نمبر [15938]
