شمالی اور مشرقی شام کی خود مختار انتظامیہ کی سیکورٹی فورسز کا ٹرک کے ذریعے تنظیم "داعش" کے خاندانوں کے تقریباً 39 بچوں اور 17 خواتین کے اجتماعی فرار کی کاروائی کو ناکام بنانے کے 24 گھنٹے بعد، سیکورٹی فورسز کو "الہول" کیمپ کے اندر زیر زمین کھودی گئی خندقوں اور سرنگوں کا جال ملا۔
سیکورٹی ذرائع نے بتایا کہ ان خندقوں اور سرنگوں کو تنظیم "داعش" کے وفادار سلیپر سیل انسانی اسمگلنگ اور قتل و غارت گری کی کوششوں کے لیے استعمال کرتے تھے۔ کیمپ کے اندر لی گئی ایک ویڈیو ریکارڈنگ میں دکھایا گیا ہے کہ بے گھر شامی اور عراقی پناہ گزینوں کے خیموں کے ایک گروپ کے درمیان کس طرح سرنگیں قدیم اوزاروں سے کھودی گئی تھیں اور انہیں دھات اور لکڑی کے پینلز سے ڈھانپ دیا گیا تھا۔ (...)
جمعہ - 8 محرم 1444ہجری - 05 اگست 2022ء شمارہ نمبر [15956]
