"سعودی اسٹیٹ سیکیورٹی پریزیڈنسی" نے یمنی شہریت کے حامل 5 افراد کو دہشت گردوں کی فہرست میں شامل کیا ہے، جو ان کی "ایرانی حمایت یافتہ دہشت گرد حوثی ملیشیا کی حمایت میں سرگرمیوں" کے ساتھ وابستہ ہونے کی نشاندہی پر ہے۔
"پریزیڈنسی آف اسٹیٹ سیکیورٹی" نے زور دیا ہے کہ "بیان میں درج افراد کے ناموں سے تعلق رکھنے والے تمام اثاثوں کو مملکت کے اندر منجمد کیا جانا چاہیے۔ دہشت گردی کے جرائم اور مالی اعانت سے نمٹنے کے قانون اور اسٹیٹ سیکیورٹی کی متعلقہ قراردادوں کے نفاذ کے آلات کار کی بنیاد پر ان ناموں کے ساتھ یا ان کے فائدے کے لیے کسی بھی مالیاتی اور پیشہ ورانہ اداروں، مخصوص غیر مالیاتی کاروبار اور تمام قانونی اور عام اشخاص کے ساتھ ہر قسم کا براہ راست یا بالواسطہ لین دین کرنا ممنوع ہے۔"
سعودی نیوز ایجنسی (واس) کی طرف سے جاری کردہ ایک بیان کے ذریعے کل بروز بدھ سیکیورٹی پریزیڈنسی کی طرف سے اعلان کردہ افراد کی فہرست میں شامل ہیں: منصور احمد السعادی (السعدی)، جو ایرانی ہتھیاروں کی یمن میں اسمگلنگ کا کام اور اس میں تعاون کرتا ہے، وہ اس سے قبل ایران میں وسیع تربیت حاصل کر چکا ہے اور بحیرہ احمر میں بین الاقوامی سمندری کھیپوں پر حملوں کا ماسٹر مائنڈ ہے، احمد علی الحمزی؛ ڈرون پروگرام کا انچارج ہے اور ایرانی ساختہ ہتھیار حاصل کرتا ہے، یہ پہلے ایران میں وسیع تربیت حاصل کر چکا ہے، محمد عبدالکریم الغماری اور زکریا عبداللہ یحییٰ حجر (ہاجر) جنہوں نے ایران میں فوجی کورسز حاصل کئے اور ان کا براہ راست تعلق بیلسٹک میزائلوں اور ڈرونز کی لانچنگ سے ہے، اس کے علاوہ احمد محمد علی الجوہری، جس نے اپنے بیان میں کہا ہے کہ وہ بیلسٹک میزائل اور ڈرون لانچنگ سے منسلک افراد میں سے ہے۔
جمعرات - 4 صفر 1444ہجری - 01 ستمبر 2022ء شمارہ نمبر [15983]
