روس نے یورپ کو گیس سے محروم کرنے کی دھمکی دے دی ہے

گزشتہ روز یوکرین کے دارالحکومت کیو کے قریب بوچا میں مرنے والوں کو دفن کرنے والے افراد کو ایک نامعلوم مردہ شخص کے تابوت کو لے جاتے ہوئے دیکھا جا سکتا ہے (اے بی)

ایک طرف "گروپ آف سیون" نے کل اعلان کیا ہے کہ وہ یوکرین پر حملے کی وجہ سے روسی تیل کی قیمتوں پر فوری طور پر حد لگائے گا اور اس اقدام میں شامل ہونے کے لئے ممالک کے وسیع اتحاد سے مطالبہ کیا گیا ہے اور وہیں دوسری طرف روس نے یورپی یونین کو اپنے گیس سے محروم کرنے کی دھمکی دی ہے۔

گروپ کے ممالک (امریکہ، جرمنی، فرانس، برطانیہ، اٹلی، کینیڈا اور جاپان) کے وزرائے خزانہ نے ایک آن لائن میٹنگ کے اختتام پر جاری کردہ ایک اعلان میں کہا ہے کہ قیمت کی حد تکنیکی ڈیٹا کی ایک سیریز پر مبنی ایک سطح تک مقرر کی جائے گی اور اتحاد اسے عملی جامہ پہنانے سے پہلے مجموعی طور پر فیصلہ کرے گا اور اس بات پر بھی زور دیا ہے کہ مستقبل میں قیمتوں کا تعین عوامی طور پر واضح اور شفاف طریقے سے کیا جائے گا۔

کریملن نے خبردار کیا ہے کہ روسی تیل کی فروخت کی قیمت پر زیادہ سے زیادہ حد لگانے سے تیل کی منڈی غیر مستحکم ہو جائے گی اور کریملن کے ترجمان دمتری پیسکوف نے صحافیوں کو بتایا ہے کہ ہم اعتماد کے ساتھ ایک چیز بیان کر سکتے ہیں کہ اس طرح کا فیصلہ تیل کی منڈیوں میں نمایاں عدم استحکام کا باعث بنے گا اور انہوں نے مزید کہا کہ روس ان ممالک کو تیل فروخت کرنا بند کر دے گا جو متوقع حد کی پابندی کرنے والے ہیں۔(۔۔۔)

ہفتہ 06 صفر المظفر 1444ہجری -  03 ستمبر   2022ء شمارہ نمبر[15985]