خادم حرمین بحرین کے بادشاہ کا خیر مقدم کر رہے ہیں

خادم حرمین بحرین کے بادشاہ کا خیر مقدم کر رہے ہیں

پیر, 26 September, 2022 - 05:45
خادم حرمین شریفین شاہ سلمان بن عبدالعزیز نے کل جدہ کے السلام پیلس میں بحرین کے بادشاہ حمد بن عیسیٰ آل خلیفہ کا خیر مقدم کیا (واس)

خادم حرمین شریفین شاہ سلمان بن عبدالعزیز نے سعودی عرب کے دورے پر پہنچنے والے بحرین کے بادشاہ حمد بن عیسیٰ آل خلیفہ کا کل (بروز اتوار) جدہ کے السلام پیلس میں خیر مقدم کیا۔ ملاقات کے دوران خادم حرمین شریفین نے اپنے مہمان اور ان کے ساتھ آنے والوں کو خوش آمدید کہا جبکہ بحرین کے بادشاہ نے شاہ سلمان بن عبد العزیز کے ساتھ ملاقات کو خوشی کا اظہار کیا۔ خادم حرمین شریفین نے مملکت بحرین کے بادشاہ کے اعزاز میں ظہرانے کا اہتمام کیا۔ استقبالیہ اور ضیافت میں شہزادہ خالد بن سعد بن فہد، شہزادہ سطام بن سعود، شہزادہ فیصل بن سعود بن محمد، وزیر مملکت اور کابینہ کے رکن "ساتھی وزیر" شہزادہ ترکی بن محمد بن فہد، شہزادہ سعود بن سلمان اور شہزادہ راکان بن سلمان نے شرکت کی۔
بحرین کی جانب سے بحرین کے بادشاہ کے خصوصی نمائندے شیخ محمد بن مبارک آل خلیفہ، شاہی عدالت کے وزیر شیخ خالد بن احمد بن سلمان آل خلیفہ، سروے اینڈ لینڈ رجسٹریشن اتھارٹی کے سربراہ شیخ سلمان بن عبداللہ بن حمد آل خلیفہ، بحرین کے بادشاہ کے میڈیا امور کے مشیر نبیل الحمر، وزیر خزانہ اور قومی معیشت شیخ سلمان بن خلیفہ بن سلمان آل خلیفہ، شاہی پروٹوکول کے سربراہ میجر جنرل خلیفہ الفضالہ، سعودی عرب میں بحرین کے سفیر شیخ علی بن عبدالرحمن بن علی آل خلیفہ اور شاہی ہوابازی کے سربراہ ابراہیم القعود نے شرکت کی۔
شاہ حمد بن عیسیٰ گزشتہ روز جدہ پہنچے تو شاہ عبد العزیز انٹرنیشنل ایئر پورٹ پر خادم حرمین شریفین کے مشیر اور مکہ المکرمہ علاقے کے امیر شہزادہ خالد الفیصل اور شہزادہ ترکی بن محمد بن فہد نے ان کا استقبال کیا۔


پیر - یکم ربیع الاول 1444ہجری - 26 ستمبر 2022ء شمارہ نمبر [1608]

 


Related News



انتخاباتِ مدير

ملٹی میڈیا