سعودی وزیر خارجہ شہزادہ فیصل بن فرحان نے اقوام متحدہ کی سلامتی کونسل میں اصلاحات کے لیے اپنے ملک کی حمایت کی تجدید کی ہے۔ سعودی پریس ایجنسی کے مطابق، اقوام متحدہ کی جنرل اسمبلی کے 77 ویں اجلاس کے موقع پر پرسوں شام مملکت کے خطاب میں وضاحت کی گئی کہ اقوام متحدہ کے قیام اور سان فرانسسکو چارٹر پر دستخط کرنے میں مملکت کی شرکت دین اسلام کی دی گئی تعلیمات اور حقیقی عرب روایات کے مطابق تھی جس میں انصاف، احسان، تعاون، امن اور مکالمے کا مطالبہ کیا گیا تھا۔
سعودی وزیر خارجہ نے مزید کہا: "مملکت ہماری دنیا کو درپیش چیلنجوں سے نمٹنے کے لیے بین الاقوامی تعاون کے فروغ کے لیے اقوام متحدہ کے اصولوں کے فریم ورک کے اندر کثیر الجہتی بین الاقوامی کارروائی کی حمایت جاری رکھے گی اور ہر اس کام میں فعال طور پر حصہ لے گی اور اس میں پہل کرے گی جو زیادہ پرامن اور منصفانہ دنیا کے لیے کردار ادا کرے اور ہمارے لوگوں اور آنے والی نسلوں کے لیے ایک امید افزا مستقبل حاصل کرے۔ مملکت، بین الاقوامی امن اور سلامتی کو برقرار رکھنے میں اقوام متحدہ کے اہداف اور مقاصد کے حصول کی اپنی مستقل خواہش کی بنیاد پر سلامتی کونسل کی اصلاح کے لیے اپنے مطالبے کی تجدید کرتی ہے، تاکہ یہ آج کی ہماری حقیقت کی نمائندگی کرنے میں زیادہ منصفانہ ہو، بین الاقوامی برادری کی تبدیلیوں اور پیشرفت سے ہم آہنگ رہنے میں زیادہ موثر اور اس کے مشترکہ چیلنجوں سے نمٹنے میں زیادہ با اثر ہو۔"(...)
پیر - یکم ربیع الاول 1444ہجری - 26 ستمبر 2022ء شمارہ نمبر [1608]
