سعودی ولی عہد اور وزیراعظم شہزادہ محمد بن سلمان نے گزشتہ روز جدہ میں سحری کے دسترخوان پر مصری صدر عبدالفتاح السیسی سے ملاقات کی، اور اس دوران دونوں برادر ممالک کے مابین قریبی اور تاریخی دوطرفہ تعلقات، مشترکہ تعاون کے امکانات اور مختلف شعبوں میں اس کے فروغ و ترقی دینے کی راہوں کا جائزہ لیا۔ علاوہ ازیں علاقائی اور بین الاقوامی صورتحال میں ہونے والی پیش رفت اور اس کے لیے کی جانے والی کوششوں پر تبادلہ خیال سمیت مشترکہ دلچسپی کے اہم مسائل پر بھی بات چیت کی گئی۔
صدر السیسی نے سعودی ولی عہد سے ملاقات پر مسرت کا اظہار کیا اور اپنے "ٹوئٹر" اکاؤنٹ پر ٹویٹ میں کہا: "مجھے اپنے بھائی، مملکت سعودی عرب کے ولی عہد جناب شہزادہ محمد بن سلمان سے مل کر خوشی ہوئی اور میں ان کے حسن استقبال و مہمان نوازی پر ان کا شکریہ ادا کرتا ہوں، میں مصر اور مملکت سعودی عرب کے درمیان دو طرفہ تعلقات کی گہرائی اور مضبوطی کی یقین دہانی کرتا ہوں۔" انہوں نے مزید کہا: "میں انہیں تمام شعبوں میں ترقی دینے اور مضبوط بنانے کا خواہش مند ہوں، جس سے ہمارے دونوں ممالک کے مشترکہ مفادات اور ہماری عظیم عوام کی خواہشات کو حاصل کیا جا سکے۔" (...)
منگل - 13 رمضان 1444 ہجری - 04 اپریل 2023 ء شمارہ نمبر [16198]
