گزشتہ روز ترکی نے شام اور مصر کے ساتھ تعلقات معمول پر لانے کی راہ میں نئے اقدامات کا اعلان کرتے ہوئے ان دونوں ممالک کے ساتھ برسوں کی کشیدگی اور دوری کے بعد تعلقات کو بہتر بنانے کے اپنے ارادے کی تصدیق کی۔
ترک وزیر خارجہ مولود جاویش اوغلو نے کہا کہ اس چار فریقی اجلاس میں وہ اپنے روسی، ایرانی اور شامی ہم منصبوں سے ملاقات کریں گے، جو مئی کے اوائل میں ماسکو میں ہو سکتا ہے۔ انہوں نے اشارہ کرتے ہوئے کہا کہ انقرہ اور دمشق کے درمیان تعلقات کو معمول پر لانے کے فریم ورک میں چاروں ممالک کے رہنماؤں کی ملاقات کی راہ ہموار ہوگی۔
جاویش اوغلو نے پیر کے روز ایک ٹیلی ویژن انٹرویو میں کہا: "ہمارا خیال ہے کہ شام کے بارے میں وزرائے خارجہ کا چار فریقی اجلاس مئی کے اوائل میں ہوگا... جس کا روڈ میپ پہلے سے تیار کیا گیا تھا۔" انہوں نے وضاحت کی کہ اس مسئلے پر جمعرات اور جمعہ کو انقرہ کا دو روزہ دورہ کرنے والے روسی وزیر خارجہ سرگئی لاوروف کے ساتھ بات چیت کی گئی تھی۔ (...)
منگل - 20 رمضان 1444 ہجری - 11 اپریل 2023ء شمارہ نمبر [16205]
