باخبر عرب ذرائع کا کہنا ہے کہ شام کی عرب لیگ میں واپسی کا معاملہ آج (جمعہ کے روز) جدہ میں مصر، اردن اور عراق کے علاوہ خلیج تعاون کونسل کے ممالک کے وزرائے خارجہ کے مشاورتی اجلاس کی میز پر ہوگا۔
ذرائع کا خیال ہے کہ شام کی عرب لیگ میں واپسی اور آئندہ ماہ ریاض میں ہونے والے عرب سربراہی اجلاس میں اس کی شرکت کے حوالے سے حتمی فیصلہ جاری کیا جائے گا۔
ایک عرب سفارتی ذریعے نے "الشرق الاوسط" کو بتایا کہ شام کی عرب لیگ میں واپسی کا فیصلہ "ابھی تک پک رہا ہے" اور ایک ایسا "مثبت" ماحول پایا جاتا ہے جو کئی فعال عرب دارالحکومتوں کے درمیان جاری مشاورت میں غالب نظر آتا ہے۔
ذرائع نے نشاندہی کی کہ "شام کے وزیر خارجہ فیصل المقداد کے کئی عرب دارالحکومتوں کے مختصر دوروں اور اس سے قبل 6 فروری کے زلزلے کے نتیجے میں شام کے علاقوں میں جو میل جول اور سفارتی نقل و حرکت دیکھنے میں آئی، اس نے (موقف کو نرم کرنے میں) کردار ادا کیا ہے۔ ذرائع نے مزید کہا کہ "عرب لیگ میں شام کی واپسی کی مخالفت کرنے والے عرب ممالک کی تعداد پہلے سے کم دکھائی دیتی ہے۔" (...)
جمعہ - 23 رمضان 1444 ہجری - 14 اپریل 2023ء شمارہ نمبر [16208]
