اقوام متحدہ کی طرف سے بدھ کے روز جاری معلومات میں انکشاف کیا گیا ہے کہ ہندوستان آبادی کے لحاظ سے دنیا کا سب سے بڑا ملک بننے کی طرف گامزن ہے اور یہ رواں سال کے وسط میں چین کو تقریباً 30 لاکھ افراد سے پیچھے چھوڑ دے گا۔
بین الاقوامی ادارے کی عالمی آبادی کے بارے میں جاری رپورٹ کے تخمینوں کے مطابق سال 2023 میں ہندوستان کی آبادی 1.4286 بلین افراد تک پہنچ جائے گی، جب کہ چین کی آبادی 1.4257 بلین رہے گی۔
چین میں رواں سال کے آغاز میں جاری کردہ سرکاری اعداد و شمار کے مطابق گزشتہ سال چین کی آبادی میں گذشتہ 6 دہائیوں سے زائد عرصے میں پہلی بار کمی ہوئی ہے۔ رپورٹ میں یہ بھی اندازہ لگایا گیا ہے کہ اسی تاریخ تک دنیا کی آبادی 8.045 بلین تک پہنچ جائے گی اور اعداد و شمار سے پتہ چلتا ہے کہ امریکہ بڑے فرق کے ساتھ عالمی سطح پر تیسرے نمبر پر ہے؛ جس کی آبادی تقریباً 340 ملین افراد پر مشتمل ہے۔
خیال رہے کہ ہندوستان میں 2011 کے بعد سے کوئی مردم شماری نہیں ہوئی اور اس وجہ سے اس کی آبادی کا کوئی سرکاری ڈیٹا نہیں ہے۔
جمعرات - 29 رمضان 1444 ہجری - 20 اپریل 2023ء شمارہ نمبر [16214]
