سعودی عرب کے ولی عہد اور وزیراعظم شہزادہ محمد بن سلمان نے گزشتہ روز روسی صدر ولادیمیر پوٹن سے ٹیلی فونک رابطہ قائم کیا۔
کال کے آغاز میں روسی صدر نے ولی عہد کو عید الفطر کی مبارکباد دی۔
رابطے کے دوران انہوں نے سعودی عرب اور روس کے درمیان دوطرفہ تعلقات اور مختلف شعبوں میں انہیں فروغ دینے کی راہوں کا جائزہ لیا۔ علاوہ ازیں مشترکہ اہمیت کے حامل متعدد امور پر بھی تبادلہ خیال کیا گیا۔
ایک اور معاملے میں سعودی عرب کے ولی عہد اور وزیر اعظم شہزادہ محمد بن سلمان بن عبدالعزیز نے عید الفطر المبارک کی نماز مکہ المکرمہ میں مسجد الحرام میں نمازیوں کے ساتھ ادا کی جس کے تمام صحن لوگوں سے بھرے ہوئے تھے۔
نماز کی ادائیگی کے بعد ولی عہد نے شہزادوں، علماء، مشائخ، وزراء اور اعلیٰ سویلین اور فوجی حکام کا خیرمقدم کیا جنہوں نے انہیں عید کی مبارکباد دی۔
ہفتہ - یکم شوال 1444 ہجری - 22 اپریل 2023ء شمارہ نمبر [16216]
