سابق امریکی صدر ڈونلڈ ٹرمپ نے آئندہ صدارتی انتخابات میں صدر جو بائیڈن کو "کچلنے" کے عزم کا اظہار کیا ہے دریں اثنا، ان کے نائب مائیک پینس نے 6 جنوری 2021 کو کیپیٹل عمارت پر حملے کی وفاقی تحقیقات کے ضمن میں گواہی دی ہے۔
ٹرمپ نے جمعرات کے روز اپنے تقریباً 1500 حامیوں کے ہجوم کے سامنے کہا کہ، "ان الیکشن میں طاقت یا کمزوری، کامیابی یا ناکامی، سلامتی یا بدامنی، امن یا جنگ، خوشحالی یا تباہی کے درمیان انتخاب ہوگا۔" انہوں نے گفتگو کو جاری رکھتے ہوئے کہا، "ہم ایک آفت میں جی رہے ہیں۔ 5 نومبر 2024 کو ہم آپ کے ووٹ سے جو بائیڈن (...) کو بیلٹ باکس میں کچل دیں گے، اور جو کام ہم نے ختم نہیں کیا ہے اسے مکمل کریں گے۔
دریں اثنا، مائیک پینس واشنگٹن میں ایک اعلی سطح کی جیوری کے سامنے پیش ہوئے، جو 6 جنوری 2021 کو بائیڈن کو صدر بننے سے روکنے کے معاملے میں ٹرمپ اور ان کے مشیروں کے خلاف مقدمہ چلانے پر غور کر رہی ہے۔ جب کہ ٹرمپ کے وکلاء نے پینس کی گواہی کو روکنے کی کوشش کرتے یوئے یہ دلیل دی کہ سابق صدر کے پاس اپنے نائب کو وائٹ ہاؤس کے اندرونی معاملات پر بات کرنے سے روکنے کے لیے "ایگزیکٹو پاور" موجود ہے۔ (...)
ہفتہ - 9 شوال 1444 ہجری - 29 اپریل 2023ء شمارہ نمبر [16223]
