لبنانی وزارت داخلہ نے بے گھر ہونے والے شامیوں کے کاموں کو کنٹرول کرنے اور ان میں سے قانونی طور پر لبنان میں موجود افراد کی شناخت کے لیے نئے طریقہ کار کے تحت انہیں شمار اور رجسٹ کرنے کے لیے ایک قومی سروے مہم کا آغاز کیا ہے۔ جب کہ یہ حکومتی اقدامات سیاسی بات چیت اور لبنان میں غیر قانونی طور پر رہنے والوں کو "ملک بدر" کرنے کے مطالبات کی روشنی میں ہو رہے ہیں، علاوہ ازیں لبنانی سیاسی پارٹیاں بھی بے گھر شامیوں کو ان کے ملک واپس بھیجنے کے لیے دباؤ ڈال رہی ہیں۔
کل داخلہ اور بلدیات کے وزیر بسام مولوی نے گورنرز اور جہاں بلدیات نہیں ہیں وہاں ان کے ذریعے دیہاتوں کے میئروں اور میونسپلٹیوںکے نام ایک خط بھیجا؛ کہ بے گھر ہونے والے شامیوں کی گنتی کے لیے قومی سروے مہم شروع کریں اور تمام رہائش پذیر شامیوں کی رجسٹریشن کریں، اور میئرز سے کہا گیا ہے کہ وہ کسی بھی بے گھر شامی کے اندراج سے قبل اس سے کسی قسم کے معاملے یا بیان کا اہتمام نہ کریں، اور کسی بھی بے گھر شامی کو کوئی جائیداد کرایہ پر دینے سے پہلے اس بات کی تصدیق کریں کہ وہ میونسپلٹی کے ساتھ رجسٹرڈ ہے اور وہ بنان میں قانونی طور پر رہائش پذیر ہے۔ اسی طرح پیغام میں بے گھر شامیوں کے زیر انتظام تمام اداروں اور آزاد پیشوں کا فیلڈ سروے کرنے اور ان کے پاس اپنا کام کرنے کے لیے قانونی لائسنس ہونے کی تصدیق کرنے کا بھی مطالبہ کیا گیا ہے۔ مولوی نے وزارت انصاف کو خط بھیجا؛ امید ہے کہ وثیقہ نویس کسی بھی بے گھر شامی کے لیے اس کی رہائشی میونسپلٹی میں رجسٹریشن کے ثبوت کے بغیر
کوئی بھی دستاویز یا معاہدہ جاری نہیں کریں گے۔ (...)
بدھ - 13 شوال 1444 ہجری - 03 مئی 2023ء شمارہ نمبر [16227]