عینی شاہدین نے گزشتہ روز الشرق الاوسط کو بتایا ہے کہ یرموک فلسطینی پناہ گزین کیمپ کے جنوب مشرق میں واقع ایک قبرستان پر اس وقت سخت سیکیورٹی نافذ کردی گئی ہے جب ایک روسی فوجی وفد نے اس میں نعش نکالنے کی کاروائی شروع کی اور خیال کیا جا رہا ہے کہ یہ اقدام وہاں دفن دو اسرائیلی فوجیوں کی باقیات کی تلاش میں کیا گیا ہے۔
حزب اختلاف کی ویب سائٹ وائس آف دی کیپیٹل نے اطلاع دی ہے کہ روسیوں نے قبرستان اور اس کے گرد ونواح میں ڈی این اے تجزیہ کے لئے لاشوں سے نمونے جمع کرنے والی ایک میڈیکل ایمبولنس کا استعمال کیا ہے جبکہ دوسرے ذرائع نے بتایا ہے کہ یہ اقدام دو فوجیوں کی باقیات کی تلاش سے متعلق ہے اور وہ یہودا کٹز اور زیوی فیلڈ مین ہیں جو 1982 میں لبنان میں "سلطان یعقوب" کی لڑائی میں دوسروں کے ساتھ ہلاک ہوئے تھے۔
روسی فوجوں کی طرف سے کیمپ کے قبرستان میں یہ سرچ آپریشن دوسرا آپریشن ہے کیونکہ انہیں پہلے اسرائیلی فوجی زکریا بومیل کی لاش ملی تھی جو اسی لڑائی میں مارا گیا تھا اور ماسکو نے اسے اپریل 2019 میں تل ابیب پہنچایا تھا اور اس کے بدلہ میں اسرائیل نے شام کے دو قیدی احمد خمیس اور زیاد الطویل کو رہا کیا تھا بعدازاں اس نے ایک اور شامی نظربند کو اپنی جیلوں سے رہا کیا تھا۔(۔۔۔)
پیر 26 جمادی الآخر 1442 ہجرى – 08 فروری 2021ء شماره نمبر [15413]