یہ واضح ہے کہ ہمارے عرب معاشروں کے سامنے صرف ایک ہی آپشن ہے اور وہ زمانہ اور تکنیکی وانسانی ترقی کے ساتھ ہم آہنگ ہونا ہے اور اس میں کوئی شک نہیں ہے کہ اس نوعیت کی جنگ میں حصہ لینے کے لئے معاشرے کی تمام تر توانائیوں کو متحرک اور فعال کرنے کی ضرورت ہے اور ہمارے معاشروں کے پاس اس عظیم چھلانگ کے حصول کا کوئی امکان نہیں ہے جس کے ہم منتظر ہیں حتی یہ کہ عرب خواتین ہمارے مستقبل کو لکھنے میں اپنا کردار ادا کرنے کی راہ میں آ جائیں۔
اس وقت اصل جشن خواتین کے لئے تمام مواقع مہیا کرنا ہے اور یہ جدید اور اعلی درجے کی تعلیم سے شروع ہوتا ہے جس سے تخلیقی اور جدید صلاحیتیں پرواں چڑھتی ہیں، ملازمت کے مواقع میں مساوات ہوتی ہے اور کامیابی، پیشرفت اور شان وشوکت کے لئے اسباب فراہم ہوتے ہیں۔
وہ پرانے خیالات محدود ہو چکے ہیں جو خواتین کے مواقع کو اپنے ماحول کی ترقی اور قومی معیشت کی تعمیر اور فلاح وبہبود میں اپنا کردار ادا کرنے کے سلسلہ رکاوٹ تھے، خاص طور پر جب عرب خواتین نے یونیورسٹیوں، لیبارٹریوں اور مالی اور کاروباری دنیا میں اپنی صلاحیت کو منوا لیا ہے اور اسی طرح میڈیا، ڈیزائن، لگژری صنعت، خوبصورتی، کھیلوں اور دیگر شعبوں میں رہنمائی کرنے کی صلاحیت کو بھی منوا لیا ہے۔
جو کچھ ہمارے معاشروں میں حاصل ہوا ہے اس سے اس راستے کی نوعیت کی تصدیق ہوتی ہے کہ اگر ہم سنجیدگی کے ساتھ چاہیں تو ممالک، معاشروں اور ثقافتوں کے مابین کھلی اور جائز مسابقت میں حصہ لے سکتے ہیں اور مختلف شعبوں میں کامیاب عرب خواتین کی کہانیوں کی وجہ سے ہماری معیشت اور معاشروں کو ترقی دینے کے سلسلہ میں ہماری صلاحیت پر اعتماد کئے جانے میں اضافہ ہوا ہے لیکن شرط ہے کہ خواتین کو بااختیار بنایا جائے اور ان کے راستے، کردار اور شراکت کی تائید کی جائے۔(۔۔۔)
پیر 25 رجب 1442 ہجرى – 08 مارچ 2021ء شماره نمبر [15441]
