بقاع کے علاقہ میں واقع بعلبک شہر کے الشراونہ محلے میں کل ہونے والی مسلح جھڑپوں میں ایک لبنانی فوجی ہلاک اور پانچ دیگر زخمی ہوگئے ہیں جبکہ لبنانی فوج نے منشیات فروش گروہوں کی گرفتاری کے لیے چھاپے بھی مارے ہیں۔
فوج کے ذریعہ زعیتر خاندان کے زیر کنٹرول محلے کے شمالی حصے کو کنٹرول کرنے میں کامیاب ہونے سے پہلے یہ آپریشن گھنٹوں تک جاری رہا اور فوج نے اعلان کیا کہ مسلح افراد کے ساتھ فائرنگ کے تبادلے میں ایک فوجی ہلاک، 5 فوجی زخمی اور متعدد مطلوب افراد کی گرفتاری ہوئی ہے۔
ایک سکیورٹی ذمہ دار نے الشرق الاوسط کو بتایا ہے کہ بیروت کے جنوبی مضافاتی علاقوں میں نوجوانوں میں اغوا، حملوں، چوری، منشیات کے فروغ اور منشیات کے استعمال کے پھیلاؤ کے نتیجے میں یہ آپریشن کچھ عرصے سے جاری ہے اور یہ سب کالے کام الشراونہ محلے میں اعلیٰ درجے کے مطلوب افراد کے ذریعہ ہو رہا ہے لیکن اس کے نفاذ کا وقت پارلیمنٹ کے انتخابات کے بعد تک ملتوی کر دیا گیا ہے۔(۔۔۔)
ہفتہ 04 ذی القعدہ 1443 ہجری - 03 جون 2022ء شمارہ نمبر[15893]
