وائٹ ہاؤس کی ترجمان کیرن جین پیئر نے کل بیان دیا ہے کہ امریکی صدر جو بائیڈن 15 اور 16 جولائی کو سعودی عرب کے دورے کے دوران دو طرفہ ملاقات میں خادم حرمین شریفین شاہ سلمان بن عبدالعزیز اور سعودی ولی عہد محمد بن سلمان سے ملاقات کریں گے۔
بائیڈن یہ سرکاری دورہ شاہ سلمان کی دعوت پر کر رہے ہیں۔ جس کا مقصد تمام شعبوں میں تعلقات کو فروغ دینے کی مشترکہ خواہش کی روشنی میں مملکت سعودی عرب اور ریاست ہائے متحدہ امریکہ کے درمیان تاریخی تعلقات اور ممتاز سٹریٹجک شراکت داری کو مضبوط بنانا ہے۔
صدر بائیڈن بھی یمن میں انسانی بنیادوں پر جنگ بندی میں اضافہ کے لیے سعودی حکام کے ساتھ مل کر کام کرنے کی کوشش کر رہے ہیں جس پر 2 اپریل سے عمل درآمد شروع ہوا تھا اور سعودی عرب نے اس کی بھرپور حمایت کی تھی۔
وائٹ ہاؤس کی قومی سلامتی کونسل کے کوآرڈینیٹر برائے اسٹریٹجک کمیونیکیشن جان کربی نے کہا کہ، "صدر، شاہ سلمان اور ان کی قیادت کی ٹیم کے ساتھ دوطرفہ میٹنگ میں بیٹھیں گے اور قیادت کی ٹیم میں ولی عہد ہیں... لہذا صدر یقینی طور پر ولی عہد سے بھی ملاقات کریں گے۔"
جمعہ - 9 ذی الحجہ 1443 ہجری - 08 جولائی 2022ء، شمارہ نمبر [15928]
