کل پیر کے روز سوڈان کی "ریپڈ سپورٹ" فورسز کے کمانڈر محمد حمدان دقلو (حمیدتی) نے ملک میں تنازعات کے خاتمے کے لیے جدہ مذاکراتی پلیٹ فارم سے اپنی وابستگی کی یقین دہانی کرتے ہوئے بحران کے خاتمے کے لیے تجویز کردہ تمام اقدامات کو یکجا کرنے پر زور دیا۔
حمیدتی نے اس ست پہلے "X" سابقہ "Twitter" پلیٹ فارم پر کہا کہ انہیں افریقی یونین کے صدر، جمہوریہ جزر القمر کے صدر غزالی عثمانی کا فون آیا، جس کے دوران انہوں نے ملک میں جاری جنگ اور انسانی صورتحال کی روشنی میں سوڈانی بحران میں ہونے والی پیش رفت پر تبادلہ خیال کیا۔
عرب ورلڈ نیوز ایجنسی کی رپورٹ کے مطابق، انہوں نے مزید کہا کہ "میں نے جدہ پلیٹ فارم اور افریقی یونین کی کوششوں کے ساتھ اپنی وابستگی کی تصدیق کی ہے اور تمام تجویز کردہ اقدامات کو متحد کرنے کی اہمیت کا خیر مقدم کیا ہے۔"
یاد رہے کہ جدہ پلیٹ فارم کو گذشتہ اپریل کے وسط میں سوڈان میں جنگ شروع ہونے کے چند ہفتوں کے بعد سعودی امریکی سرپرستی میں مئی میں شروع کیا گیا تھا۔
یہ پلیٹ فارم دونوں فریقوں کے درمیان متعدد بار جنگ بندی کرنے میں کامیاب رہا، لیکن دونوں فریقوں کی جانب سے ایک دوسرے پر اس کی خلاف ورزی کے باہمی الزامات کے بعد یہ اتفاق جلد ہی ختم ہوگئے۔
دوسری جانب سوڈانی فوج نے "ریپڈ سپورٹ" فورسز کے ساتھ جدہ مذاکرات میں اپنی شرکت کو معطل کرنے کا اعلان کیا کیونکہ وہ دونوں فریقوں کے درمیان طے پانے والی جنگ بندی کی کسی بھی شرط پر عمل درآمد کرنے میں ناکام رہا ہے۔
منگل-27 صفر 1445ہجری، 12 ستمبر 2023، شمارہ نمبر[16359]
