ایک ممتاز ریپبلکن سینیٹر، ٹرمپ سے مطالبہ کر رہے ہیں کہ وہ امریکی صدارت کے لیے پارٹی کی دوڑ سے دستبردار ہو جائیں

سابق امریکی صدر ڈونلڈ ٹرمپ (اے پی)

ممتاز امریکی سینیٹر بل کیسیڈی نے کل اتوار کے روز کہا کہ سابق صدر ڈونلڈ ٹرمپ کو اگلے سال ہونے والے صدارتی انتخابات کے لیے ریپبلکن پارٹی کی نامزدگی کی دوڑ سے دستبردار ہو جانا چاہیے۔

انہوں نے مزید کہا کہ ٹرمپ ڈیموکریٹک صدر جو بائیڈن کے خلاف کوئی بھی عام انتخابات نہیں جیت سکیں گے۔

یاد رہے کہ کیسڈی ان سات ریپبلکن سینیٹرز میں سے ایک ہیں جنہوں نے 2021 میں سابق صدر ٹرمپ کے دوسرے ٹرائل میں انہیں مجرم ٹھہرانے کے لیے ووٹ دیا تھا۔ انہوں نے ٹرمپ کے خلاف وفاقی دستاویزات کے مقدمے کو "تقریباً موت کا پروانہ" قرار دیتے ہوئے متنبہ کیا تھا کہ ووٹر ایک سزا یافتہ مجرم کو بطور اپنا صدر منتخب نہیں کریں گے۔

کیسڈی نے، ٹرمپ کو صدارتی دوڑ سے دستبردار ہو جانے سے متعلق ایک سوال کے جواب میں "سی این این" کو کہا: "مجھے ایسا ہی لگتا ہے. لیکن یہ واضح طور پر انہی پر منحصر ہے۔ میرا مطلب ہے کہ آپ صرف میری رائے پوچھ رہے ہیں۔ لیکن موجودہ رائے عامہ کے جائزوں کو دیکھتے ہوئے کہا جا سکتا ہے کہ وہ جو بائیڈن سے ہار جائیں گے۔" (...)

پیر-05 صفر 1445ہجری، 21 اگست 2023، شمارہ نمبر[16337]