عربي English Türkçe اردو فارسى
Logo
تازہ ترین
خبريں امريكہ

ابرامز ٹینک کی پہلی کھیپ اگلے ہفتے یوکرین پہنچے گی: بائیڈن

بائیڈن وائٹ ہاؤس میں گفتگو سے پہلے زیلنسکی سے مصافحہ کرتے ہوئے (اے پی)
بائیڈن وائٹ ہاؤس میں گفتگو سے پہلے زیلنسکی سے مصافحہ کرتے ہوئے (اے پی)
TT
TT

ابرامز ٹینک کی پہلی کھیپ اگلے ہفتے یوکرین پہنچے گی: بائیڈن

بائیڈن وائٹ ہاؤس میں گفتگو سے پہلے زیلنسکی سے مصافحہ کرتے ہوئے (اے پی)
بائیڈن وائٹ ہاؤس میں گفتگو سے پہلے زیلنسکی سے مصافحہ کرتے ہوئے (اے پی)

امریکی صدر جو بائیڈن نے کل جمعرات کے روز کہا کہ امریکی ٹینک "M1 ابرامز" کی پہلی کھیپ "اگلے ہفتے" یوکرین پہنچے گی تاکہ روسی افواج کا مقابلہ کرنے میں سست روی کے شکار کیف کی صلاحیتوں کو بڑھایا جا سکے۔

بائیڈن نے وائٹ ہاؤس میں اپنے یوکرائنی ہم منصب ولادیمیر زیلنسکی کے ساتھ کہا کہ "امریکی ابرامز ٹینک کی پہلی کھیپ اگلے ہفتے یوکرین پہنچے گی۔"

خیال رہے کہ فروری 2022 میں روس کی جانب سے یوکرین پر حملے کے آغاز کے بعد سے یہ یوکرینی صدر کا دوسرا امریکی دورہ ہے۔

ریپبلکن قانون سازوں کی جانب سے نئے پیکیج کی منظوری کو روکنے کی دھمکی کے جواب میں امریکی صدر نے مزید کہا کہ کانگریس کی جانب سے یوکرین کے لیے نئی فوجی امداد کی منظوری کا "کوئی متبادل نہیں" ہے۔ ایک رپورٹر کی طرف سے پوچھے گئے سوال کے جواب میں کہ آیا کانگریس امدادی پیکج کی منظوری دے گی، بائیڈن نے کہا، "مجھے امریکی کانگریس کی حکمت پر بھروسہ ہے، اس کا کوئی متبادل نہیں ہے۔"

خیال رہے کہ واشنگٹن نے 43 بلین ڈالر سے زیادہ کی فوجی امداد کے وعدے کے تحت سال کے آغاز میں یوکرین کو 31 ابرامز ٹینک فراہم کرنے کا وعدہ کیا تھا۔ (...)

جمعہ-07 ربیع الاول 1445ہجری، 22 ستمبر 2023، شمارہ نمبر[16369]

عنوانات
أميركا أوكرانيا

سب سے زیادہ پڑھا گیا

 
 
خبريں امريكہ

فلسطینیوں اور اسرائیلیوں کی سلامتی کی ضمانت کا واحد راستہ دو ریاستی حل ہے: بائیڈن

امریکی صدر جو بائیڈن (اے پی)
امریکی صدر جو بائیڈن (اے پی)
TT
TT

فلسطینیوں اور اسرائیلیوں کی سلامتی کی ضمانت کا واحد راستہ دو ریاستی حل ہے: بائیڈن

امریکی صدر جو بائیڈن (اے پی)
امریکی صدر جو بائیڈن (اے پی)

"عرب ورلڈ نیوز ایجنسی" کی رپورٹ کے مطابق، امریکی صدر جو بائیڈن نے آج منگل کے روز کہا کہ دو ریاستی حل ہی فلسطینیوں اور اسرائیلیوں کے لیے طویل مدتی سلامتی کی ضمانت کا واحد راستہ ہے۔

بائیڈن نے "X" پلیٹ فارم پر مزید کہا کہ امریکہ دو ریاستی حل کے حصول کے لیے کام بند نہیں کرے گا "تاکہ فلسطینیوں اور اسرائیلیوں کو یکساں آزادی اور وقار سے لطف اندوز ہونے کو یقینی بنایا جا سکے۔"

کل پیر کے روز عرب ممالک اور یورپی یونین نے اسپین میں ہونے والے اجلاس کے دوران فلسطین اسرائیل تنازع کے خاتمے کے لیے دو ریاستی حل کی ضرورت پر اتفاق کیا۔ دریں اثناء یورپی یونین کی خارجہ پالیسی کے ذمہ دار جوزپ بوریل نے کہا کہ غزہ کی پٹی کو فلسطینی اتھارٹی کی حکومت کے تابع ہونا چاہیے۔

بوریل نے کہا کہ یورپی یونین کے تمام ممبران، جنہوں نے بارسلونا میں بحیرہ روم کے فورم کے لیے یونین میں شرکت کی، اور تقریباً تمام شرکاء نے دو ریاستی حل کی ضرورت پر اتفاق کیا۔

اسی ضمن میں، اردن کے وزیر خارجہ ایمن الصفدی نے کہا کہ فلسطینی عوام کو فیصلہ کرنا ہوگا کہ ان پر کون حکومت کرے گا اور تنازعہ کے بعد غزہ کے انتظام کے بارے میں کوئی بھی بات چیت کا اطلاق مغربی کنارے اور غزہ پر ایک وجود کے طور پر ہونا چاہیے۔

دو ریاستی حل کے مضمون میں اسرائیل کے ساتھ ساتھ مغربی کنارے اور غزہ کی پٹی میں فلسطینیوں کے لیے ایک الگ ریاست کے قیام کی بات کی گئی ہے۔ (…)

منگل-14 جمادى الأولى 1444 ہجری، 28 نومبر 2023، شمارہ نمبر[16436]

عنوانات
أميركا فلسطين إسرائيل
خبريں امريكہ

بائیڈن دبئی میں " COP28 " سربراہی اجلاس میں شرکت نہیں کریں گے: نیویارک ٹائمز

صدر جو بائیڈن 27 جون 2022 کی ایک تصویر (ڈی پی اے)
صدر جو بائیڈن 27 جون 2022 کی ایک تصویر (ڈی پی اے)
TT
TT

بائیڈن دبئی میں " COP28 " سربراہی اجلاس میں شرکت نہیں کریں گے: نیویارک ٹائمز

صدر جو بائیڈن 27 جون 2022 کی ایک تصویر (ڈی پی اے)
صدر جو بائیڈن 27 جون 2022 کی ایک تصویر (ڈی پی اے)

امریکی اخبار "نیو یارک ٹائمز" نے وائٹ ہاؤس کے ایک اہلکار کے حوالے سے آج پیر کے روز بتایا کہ صدر جو بائیڈن آئندہ جمعرات کو متحدہ عرب امارات کے شہر دبئی میں شروع ہونے والے "COP28" سربراہی اجلاس میں شرکت نہیں کریں گے۔

امریکی اخبار نے کہا کہ اہلکار، جس کا نام ان کی درخواست پر شائع نہیں کیا گیا، نے موسمیاتی سربراہی اجلاس میں بائیڈن کے شرکت نہ کرنے کی وجوہات ظاہر نہیں کیں۔ تاہم، انہوں نے کہا کہ وائٹ ہاؤس کے سینئر حکام کا خیال تھا کہ غزہ میں اسرائیل اور تحریک "حماس" کے درمیان جنگ نے حالیہ ہفتوں کے دوران امریکی صدر کو تھکا دیا ہے۔

خیال رہے کہ یہ سربراہی اجلاس دو ہفتوں تک جاری رہے گا، جس میں برطانیہ کے بادشاہ چارلس III اور ویٹیکن کے پوپ فرانسس سمیت تقریباً 200 ممالک کے رہنماؤں کی شرکت ہوگی اور یہ دنیا کی نمایاں ترین موسمیاتی سرگرمی شمار ہوتی ہے۔

پیر-13 جمادى الأولى 1444 ہجری، 27 نومبر 2023، شمارہ نمبر[16435]

عنوانات
أميركا
خبريں امريكہ

خلیج عدن میں بحری قزاقی... اور دمشق کے ہوائی اڈے پر بمباری

یمنی حکومت نے بحیرہ احمر میں نیویگیشن کے لیے حوثیوں کے خطرے کی سنگینی سے خبردار کیا ہے (ایکس)
یمنی حکومت نے بحیرہ احمر میں نیویگیشن کے لیے حوثیوں کے خطرے کی سنگینی سے خبردار کیا ہے (ایکس)
TT
TT

خلیج عدن میں بحری قزاقی... اور دمشق کے ہوائی اڈے پر بمباری

یمنی حکومت نے بحیرہ احمر میں نیویگیشن کے لیے حوثیوں کے خطرے کی سنگینی سے خبردار کیا ہے (ایکس)
یمنی حکومت نے بحیرہ احمر میں نیویگیشن کے لیے حوثیوں کے خطرے کی سنگینی سے خبردار کیا ہے (ایکس)

ایک امریکی فوجی اہلکار نے اعلان کیا ہے کہ نامعلوم مسلح افراد نے گزشتہ روز خلیج عدن میں ایک اسرائیلی کمپنی سے منسلک ایک آئل ٹینکر کو روک کر اسے اپنے کنٹرول میں لے لیا ہے۔

امریکی اہلکار نے "فرانسیسی پریس ایجنسی" کو بتایا: "ایسے اشارے ملے ہیں کہ نامعلوم مسلح افراد کی ایک نامعلوم تعداد نے خلیج عدن میں ٹینکر (سنٹرل پارک) کو اپنے کنٹرول میں لے لیا ہے"، جب کہ "امریکی اور اتحادی افواج علاقے کے آس پاس موجود ہیں اور ہم صورت حال پر گہری نظر رکھے ہوئے ہیں۔"

خیال رہے کہ اس سے قبل کل سمندری سیکورٹی کی کمپنی "ایمبری" نے اطلاع دی تھی کہ حوثیوں نے پہلے ہی دھمکی دی تھی کہ اگر جہاز نے اپنا راستہ حدیدہ بندرگاہ کی طرف نہ موڑا تو وہ اس پر حملہ کر دیں گے۔ کمپنی مزید کہا کہ علاقے میں ایک اور جہاز نے اطلاع دی کہ "دو کشتیوں پر سوار 8 افراد فوجی وردیوں میں ملبوس" ٹینکر "سنٹرل پارک" کے قریب آئے۔

ایک اسرائیلی تاجر کے ملکیتی تجارتی بحری جہاز پر (جمعہ کے روز) بحر ہند میں ایک مشتبہ ایرانی ساختہ ڈرون طیارے نے حملہ کیا۔ جب کہ تقریباً ایک ہفتہ قبل حوثیوں نے اعلان کیا تھا کہ انہوں نے بحیرہ احمر میں ایک اسرائیلی تاجر کے ملکیتی جہاز پر قبضہ کر لیا ہے۔ (...)

پیر-13 جمادى الأولى 1444 ہجری، 27 نومبر 2023، شمارہ نمبر[16435]

عنوانات
أميركا
خبريں امريكہ

امریکی نیول ڈسٹرائر نے حوثیوں کی طرف سے اس کی جانب داغے گئے دو میزائلوں کو خلیج عدن میں مار گرایا

یمنیوں کا الزام ہے کہ حوثی گروپ غزہ کی جنگ سے فائدہ اٹھا کر مقامی سطح پر ہمدردی حاصل کرنے کی کوشش کر رہا ہے (اے ایف پی)
یمنیوں کا الزام ہے کہ حوثی گروپ غزہ کی جنگ سے فائدہ اٹھا کر مقامی سطح پر ہمدردی حاصل کرنے کی کوشش کر رہا ہے (اے ایف پی)
TT
TT

امریکی نیول ڈسٹرائر نے حوثیوں کی طرف سے اس کی جانب داغے گئے دو میزائلوں کو خلیج عدن میں مار گرایا

یمنیوں کا الزام ہے کہ حوثی گروپ غزہ کی جنگ سے فائدہ اٹھا کر مقامی سطح پر ہمدردی حاصل کرنے کی کوشش کر رہا ہے (اے ایف پی)
یمنیوں کا الزام ہے کہ حوثی گروپ غزہ کی جنگ سے فائدہ اٹھا کر مقامی سطح پر ہمدردی حاصل کرنے کی کوشش کر رہا ہے (اے ایف پی)

امریکہ کے "فوکس نیوز" نیٹ ورک نے دو سینئر امریکی حکام کے حوالے سے خبر دی ہے کہ امریکی نیول ڈسٹرائر "یو ایس ایس میسن" نے حوثی فورسز کی جانب سے داغے گئے دو بیلسٹک میزائلوں کو مار گرایا ہے۔

نیٹ ورک نے وضاحت کی کہ یہ میزائل خلیج عدن میں اسرائیلی کمپنی "زوڈیک" سے تعلق رکھنے والے جہاز کو "آزاد" کرنے کے لیے امریکی نیول ڈسٹرائر کی مداخلت کے بعد داغے گئے، لیکن امریکی ڈسٹرائر نے ان دونوں میزائلوں کا پیچھا کیا جس پر یہ ہدف کو نشانہ بنانے میں ناکام رہے اور خلیج عدن میں گر گئے۔

دونوں امریکی عہدیداروں نے کہا کہ خلیج عدن میں یہ اس وقت ہوا جب امریکی بحریہ نے ایک مال بردار بحری جہاز کو ہائی جیک کرنے کی کوشش ناکام بنا دی اور اس پر سوار 5 مسلح افراد کو گرفتار کر لیا۔ امریکی وازارت دفاع "پینٹاگون" نے اس واقعہ کو "حوثیوں کی خطرے میں ایک بڑا اضافہ" قرار دیا۔

"فوکس نیوز" نیٹ ورک نے آج پہلے یہ کہا کہ 5 افراد کو اس وقت گرفتار کیا گیا جب انہوں نے خلیج عدن میں ایک ٹینکر کو حراست میں لینے کی کوشش کی جو ایک اسرائیلی تاجر کی ملکیتی کمپنی کی جانب سے چلایا جا رہا تھا۔ نیٹ ورک نے اطلاع دی کہ امریکی بحریہ کے ایک جہاز نے ٹینکر کی طرف سے دی گئی کال کا جواب دیا، جس پر لائبیریا کا جھنڈا لہرا رہا تھا اور وہ کل اتوار کے روز یمن کے ساحل کے قریب فاسفورک ایسڈ کی کھیپ لے کر جا رہا تھا۔ (...)

پیر-13 جمادى الأولى 1444 ہجری، 27 نومبر 2023، شمارہ نمبر[16435]

عنوانات
أميركا اليمن
خبريں امريكہ

بائیڈن کی سیسی کو یقین دہانی کہ واشنگٹن فلسطینیوں کی نقل مکانی کی ہرگز اجازت نہیں دے گا

اسرائیلی فوج کی جاری زمینی کارروائی کے درمیان فلسطینی ایک انسانی راہداری کے ذریعے شمالی غزہ سے نکلنے کے لیے تیار ہیں (روئٹرز)
اسرائیلی فوج کی جاری زمینی کارروائی کے درمیان فلسطینی ایک انسانی راہداری کے ذریعے شمالی غزہ سے نکلنے کے لیے تیار ہیں (روئٹرز)
TT
TT

بائیڈن کی سیسی کو یقین دہانی کہ واشنگٹن فلسطینیوں کی نقل مکانی کی ہرگز اجازت نہیں دے گا

اسرائیلی فوج کی جاری زمینی کارروائی کے درمیان فلسطینی ایک انسانی راہداری کے ذریعے شمالی غزہ سے نکلنے کے لیے تیار ہیں (روئٹرز)
اسرائیلی فوج کی جاری زمینی کارروائی کے درمیان فلسطینی ایک انسانی راہداری کے ذریعے شمالی غزہ سے نکلنے کے لیے تیار ہیں (روئٹرز)

امریکی صدر جو بائیڈن نے اپنے مصری ہم منصب عبدالفتاح السیسی کے ساتھ رابطے میں یقین دہانی کی کہ ریاست ہائے متحدہ امریکہ کسی بھی صورت میں غزہ یا مغربی کنارے سے فلسطینیوں کی نقل مکانی کی اجازت ہرگز نہیں دے گا۔

وائٹ ہاؤس نے بیان میں مزید کہا کہ بائیڈن نے سیسی کو یقین دلایا کہ امریکہ غزہ کے محاصرے یا اس کی سرحدوں کو دوبارہ بنانے کی اجازت نہیں دے گا۔

امریکی صدر نے کال کے دوران فلسطینی ریاست کے قیام کے لیے اپنے عزم پر بھی زور دیا، اور اس کے حصول کے لیے حالات کو سازگار کرنے میں مصر کے اہم کردار کی جانب اشارہ کیا۔

جمعرات-09 جمادى الأولى 1445ہجری، 23 نومبر 2023، شمارہ نمبر[16431]

عنوانات
أميركا فلسطين
خبريں امريكہ

امریکہ میں ایلون ماسک پر اسرائیل مخالف پروپیگنڈے سے فائدہ اٹھانے کا الزام

"ایکس" پلیٹ فارم کے مالک ارب پتی ایلون ماسک 2 نومبر 2023 (روئٹرز)
"ایکس" پلیٹ فارم کے مالک ارب پتی ایلون ماسک 2 نومبر 2023 (روئٹرز)
TT
TT

امریکہ میں ایلون ماسک پر اسرائیل مخالف پروپیگنڈے سے فائدہ اٹھانے کا الزام

"ایکس" پلیٹ فارم کے مالک ارب پتی ایلون ماسک 2 نومبر 2023 (روئٹرز)
"ایکس" پلیٹ فارم کے مالک ارب پتی ایلون ماسک 2 نومبر 2023 (روئٹرز)

کل منگل کے روز، امریکی کانگریس کے 27 ڈیموکریٹک ارکان کے ایک گروپ نے سوشل میڈیا پلیٹ فارم "X" کے ارب پتی مالک ایلون ماسک کو ایک خط لکھا، جس میں تشویش کا اظہار کیا گیا کہ سوشل میڈیا پلیٹ فارم اسرائیلیوں کے خلاف تشدد کا جشن منانے والے نمایاں اکاؤنٹس سے فائدہ اٹھا رہا ہے۔

ڈیموکریٹک قانون سازوں نے اپنے خط میں ماسک اور "X" کی سی ای او لنڈا یاکارینو کو مخاطب کرتے ہوئے غیر منافع بخش تنظیموں کی رپورٹوں کی طرف اشارہ کیا، جس میں دکھایا گیا تھا کہ " X پریمیم" اکاؤنٹس رکھنے والے کچھ لوگ "اسرائیلیوں کے خلاف تشدد کی وحشیانہ کارروائیوں کا جشن منا رہے ہیں۔"

خیال رہے کہ "ٹویٹر" کو خرید کر اس کا نام بدل کر "X" رکھنے والے ایلون ماسک کے نام یہ پیغام ایک تازہ معرکہ شمار ہوتا ہے، جس میں ان سے مطالبہ کیا گیا ہے کہ وہ نشر کیے گئے مواد پر نگرانی کو بہتر بنائیں۔

ماسک نے کل منگل کے روز اعلان کیا کہ "X" پلیٹ فارم غزہ کی جنگ سے متعلق تمام اشتہارات اور سبسکرپشنز سے حاصل شدہ رقوم کو اسرائیل کے ہسپتالوں اور غزہ میں "ریڈ کراس" اور "ہلال احمر" کو عطیہ کرے گا۔

پرسوں پیر کے روز، "X" نے میڈیا کی نگرانی کرنے والے "میڈیا میٹرز" گروپ کے خلاف مقدمہ دائر کرتے ہوئے کہا ہے کہ اس نے پلیٹ فارم کی ساکھ کو خراب کیا، جب اس نے نازی ازم کو فروغ دینے والی پوسٹوں کے ساتھ ظاہر ہونے والے بڑے برانڈز کے اشتہارات کے بارے میں ایک رپورٹ شائع کی۔ (...)

بدھ-08 جمادى الأولى 1445ہجری، 22 نومبر 2023، شمارہ نمبر[16430]

عنوانات
أميركا
خبريں امريكہ

آسٹن کا گیلنٹ کے ساتھ علاقائی کشیدگی کو روکنے اور غزہ کے لیے امداد بڑھانے کی ضرورت پر تبادلہ خیال

9 مارچ 2023 کو اسرائیل کے بین گوریون ہوائی اڈے پر امریکی وزیر دفاع لائیڈ آسٹن اور اسرائیلی وزیر دفاع یوو گیلنٹ کے درمیان ہونے والی ملاقات (روئٹرز)
9 مارچ 2023 کو اسرائیل کے بین گوریون ہوائی اڈے پر امریکی وزیر دفاع لائیڈ آسٹن اور اسرائیلی وزیر دفاع یوو گیلنٹ کے درمیان ہونے والی ملاقات (روئٹرز)
TT
TT

آسٹن کا گیلنٹ کے ساتھ علاقائی کشیدگی کو روکنے اور غزہ کے لیے امداد بڑھانے کی ضرورت پر تبادلہ خیال

9 مارچ 2023 کو اسرائیل کے بین گوریون ہوائی اڈے پر امریکی وزیر دفاع لائیڈ آسٹن اور اسرائیلی وزیر دفاع یوو گیلنٹ کے درمیان ہونے والی ملاقات (روئٹرز)
9 مارچ 2023 کو اسرائیل کے بین گوریون ہوائی اڈے پر امریکی وزیر دفاع لائیڈ آسٹن اور اسرائیلی وزیر دفاع یوو گیلنٹ کے درمیان ہونے والی ملاقات (روئٹرز)

امریکی وزارت دفاع "پینٹاگون" نے کل منگل کے روز ایک بیان میں اعلان کیا کہ وزیر دفاع لائیڈ آسٹن نے اپنے اسرائیلی ہم منصب یوو گیلنٹ کے ساتھ علاقائی کشیدگی کو روکنے اور غزہ کی پٹی میں انسانی امداد میں اضافے کی ضرورت پر تبادلہ خیال کیا ہے۔

"عرب ورلڈ نیوز ایجنسی" نے بیان کا حوالہ دیتے ہوئے کہا کہ آسٹن نے "اسرائیل کے لیے ریاست ہائے متحدہ امریکہ کی حمایت اور علاقائی کشیدگی کو روکنے کی اہمیت پر زور دیا۔"

بیان میں مزید کہا گیا ہے کہ امریکی وزیر نے "انسانی امداد میں اضافے، اس کے تسلسل اور غزہ میں شہریوں کے تحفظ کی فوری ضرورت پر بھی بات چیت کی۔"

بدھ-08 جمادى الأولى 1445ہجری، 22 نومبر 2023، شمارہ نمبر[16430]

عنوانات
أميركا إسرائيل
خبريں امريكہ

بائیڈن کا "خیال ہے" کہ "حماس" کے زیر حراست قیدیوں کی رہائی کے لیے معاہدے تک رسائی بہت قریب ہے

امریکی صدر جو بائیڈن (روئٹرز)
امریکی صدر جو بائیڈن (روئٹرز)
TT
TT

بائیڈن کا "خیال ہے" کہ "حماس" کے زیر حراست قیدیوں کی رہائی کے لیے معاہدے تک رسائی بہت قریب ہے

امریکی صدر جو بائیڈن (روئٹرز)
امریکی صدر جو بائیڈن (روئٹرز)

امریکی صدر جو بائیڈن نے پیر کے روز اعلان کیا کہ ان کا خیال ہے کہ غزہ کی پٹی میں تحریک "حماس" کے زیر حراست افراد کی رہائی کے لیے معاہدے تک رسائی بہت قریب ہے۔ وائٹ ہاؤس میں منعقدہ تقریب کے موقع پر ایک صحافی نے بائیڈن سے پوچھا، "کیا یرغمالیوں کی رہائی کا عنقریب کوئی معاہدہ ہے؟" تو امریکی صدر نے جواب دیا، "میرا ایسا خیال ہے۔" جب صحافی نے ان کے سامنے یہی سوال دہرایا تو بائیڈن نے جواب دیا، "ہاں۔"

دوسری جانب، وائٹ ہاؤس میں قومی سلامتی کونسل کے ترجمان جان کربی نے کہا کہ امریکہ کا خیال ہے کہ غزہ میں "حماس" کے زیر حراست افراد کی رہائی کے لیے کسی معاہدے تک پہنچنا بہت قریب ہے۔

ترجمان نے مزید کہا کہ وہ امریکی حکومت کی جانب سے ایلون مسک کی ملکیتی ٹیکنالوجی کمپنیوں پر انحصار کو ختم کرنے کی کوششوں سے آگاہ نہیں ہیں، جو کہ ان کے ملکیتی سوشل میڈیا پلیٹ فارم "X" پر زہریلا مواد نشر کرنے کے جواب میں ہے۔

کربی نے کہا: "میں ان کے بیانات کے بارے میں ہمارے خدشات کو دور کرنے کے لیے کسی خاص کوشش سے آگاہ نہیں ہوں جیسا کہ ان کی کمپنیاں ہمارے قومی سلامتی کے نظام کو مدد فراہم کرتی ہیں۔"

منگل-07 جمادى الأولى 1445ہجری، 21 نومبر 2023، شمارہ نمبر[16429]

عنوانات
أميركا
خبريں امريكہ

غزہ جنگ کی وجہ سے نوجوان ووٹرز بائیڈن کے خلاف ہو گئے ہیں

امریکی صدر جو بائیڈن (آرکائیوز - رائٹرز)
امریکی صدر جو بائیڈن (آرکائیوز - رائٹرز)
TT
TT

غزہ جنگ کی وجہ سے نوجوان ووٹرز بائیڈن کے خلاف ہو گئے ہیں

امریکی صدر جو بائیڈن (آرکائیوز - رائٹرز)
امریکی صدر جو بائیڈن (آرکائیوز - رائٹرز)

امریکہ کے "این بی سی" نیوز نیٹ ورک کے ایک حالیہ سروے میں 18 سے 34 سال کی عمر کے نوجوان ووٹرز میں صدر جو بائیڈن کی مقبولیت میں کمی کو ظاہر کیا گیا ہے، جس میں سابق صدر ڈونلڈ ٹرمپ کو 46 فیصد نوجوان ووٹرز کی حمایت حاصل ہوئی وہیں صدر بائیڈن کو 42 فیصد ووٹ ملے۔

ٹرمپ نے پہلی بار 2024 کے عام انتخابات کے لیے رائے عامہ کے جائزوں میں بائیڈن کو 46 سے 44 فیصد تک برتری حاصل کی، اور جو بات حیران کن تھی وہ یہ کہ ٹرمپ کی یہ 46 سے 42 فیصد تک کی برتری نوجوان ووٹرز میں تھی۔

جب کہ صرف 40 فیصد ووٹروں نے بائیڈن کی کارکردگی سے اتفاق کیا جب کہ 57 فیصد نے اختلاف کیا۔ اس طرح بائیڈن کے صدر بننے کے بعد سے ان کی کارکردگی سے اتفاق کرنے والوں کی یہ کم ترین سطح ہے۔

2019 کے بعد سے "این بی سی" نیوز کے ذریعہ 10 سے زیادہ بار کرائے گئے رائے عامہ سے متعلق سروے کے نتائج میں پہلی بار سابق صدر ٹرمپ کو صدر بائیڈن سے آگے دکھایا گیا ہے۔ سروے میں بائیڈن کی خارجہ پالیسی سے نمٹنے اور اسرائیل اور "حماس" کے درمیان تنازعات کے حوالے سے نوجوانوں میں زبردست عدم اطمینان کی جانب نشاندہی کی گئی ہے، کیونکہ سروے کے نتائج کے مطابق بائیڈن کی مقبولیت 40 فیصد تک گر گئی، جو کہ ان کی صدارت کے لیے نہایت کم ترین سطح ہے۔ (...)

پیر-06 جمادى الأولى 1445ہجری، 20 نومبر 2023، شمارہ نمبر[16428]

عنوانات
أميركا
خبريں امريكہ

ہم نے الشفاء اسپتال میں اسرائیلی آپریشن سے اتفاق نہیں کیا: واشنگٹن

جان کربی (ڈی پی اے)
جان کربی (ڈی پی اے)
TT
TT

ہم نے الشفاء اسپتال میں اسرائیلی آپریشن سے اتفاق نہیں کیا: واشنگٹن

جان کربی (ڈی پی اے)
جان کربی (ڈی پی اے)

"فرانسیسی پریس ایجنسی" کے مطابق، امریکہ میں وائٹ ہاؤس کی قومی سلامتی کونسل کے ترجمان جان کربی نے کل بدھ کے روز اعلان کیا کہ امریکہ نے غزہ کی پٹی میں "الشفا ہسپتال کے اطراف میں (اسرائیلی فوج کی) کارروائیوں پر اتفاق نہیں کیا" اور نشاندہی کی کہ یہ بھی اسرائیل کے دیگر فوجی فیصلوں کی طرح اس کا اپنا ذاتی عمل ہے۔

کربی نے کہا: "ہم ہمیشہ اپنے اسرائیلی شراکت داروں کے ساتھ شہری ہلاکتوں کو کم کرنے کی اہمیت کے بارے میں بہت واضح رہے ہیں اور ہم ان کے ساتھ اس بات پر بھی بالکل واضح ہیں کہ جب ہم اسپتالوں کے بارے میں بات کرتے ہیں تو ہمیں خاص طور پر محتاط رہنا چاہئے۔"

خیال رہے کہ آج اسرائیلی افواج نے غزہ میں "الشفا" میڈیکل کمپلیکس پر دھاوا بولا اور وہاں موجود تمام لوگوں کو انخلاء سے پہلے مشرقی جانب کھلی جگہ میں جمع ہونے کو کہا گیا۔

اسرائیلی فوج نے جاری بیان میں کہا: "(الشفا) ہسپتال میں ہمارا آپریشن انٹیلی جنس معلومات اور فیلڈ کی ضرورت پر مبنی تھا،" جبکہ "حماس" اور الشفا میں ہسپتال کے ڈاکٹروں نے اس موقف کی تردید کی ہے۔ (...)

جمعرات-02 جمادى الأولى 1445ہجری، 16 نومبر 2023، شمارہ نمبر[16424]

عنوانات
أميركا إسرائيل فلسطين