امریکہ اور وینزویلا کے مابین 10 امریکی قیدیوں کو رہائی کے بدلے صدر نکولس مادورو کے قریبی ساتھی کی رہائی کا معاہدہ طے پا گیا۔
امریکی حکام نے کہا کہ صدر جو بائیڈن نے وینزویلا کے سوشلسٹ صدر کے قریبی ساتھی الیکس صعب کو رہا کرنے کا "انتہائی مشکل فیصلہ" کیا، جب کہ امریکہ کا اس پر منی لانڈرنگ کا الزام تھا۔
بائیڈن نے ایک بیان میں اس بات کی تصدیق کی کہ دس امریکی "وطن واپس لوٹ آئے ہیں۔" خیال رہے کہ امریکی حکام نے پہلے ہی کہا تھا کہ واشنگٹن بزنس مین ایلکس صعب کو رہا کر دے گا۔
بدلے میں، کاراکاس نے 10 امریکی شہریوں اور 20 وینزویلا کے سیاسی قیدیوں کو رہا کیا، جن میں "فیٹ لیونارڈ" نامی ایک مفرور بھی شامل ہے، جو امریکی بحریہ میں بدعنوانی کے بدترین اسکینڈل میں ملوث تھا۔
جب کہ قیدیوں کا یہ تبادلہ اکتوبر میں امریکہ کی جانب سے وینزویلا میں تیل اور گیس پر عائد پابندیوں کو کم کرنے پر اتفاق اور مادورو حکومت کا انتخابات کے انعقاد کے لیے حزب اختلاف کے ساتھ ایک معاہدہ طے پانے کے بعد ہے۔
جمعرات-08 جمادى الآخر 1445ہجری، 21 دسمبر 2023، شمارہ نمبر[16459]
