یوکرین اور روس ڈرونز کو تباہ کرنے کے لیے "مقابلہ" کر رہے ہیں

کل کیف پر روسی حملے کے نتیجے میں ہونے والی تباہی کا منظر (رائٹرز)
کل کیف پر روسی حملے کے نتیجے میں ہونے والی تباہی کا منظر (رائٹرز)
TT

یوکرین اور روس ڈرونز کو تباہ کرنے کے لیے "مقابلہ" کر رہے ہیں

کل کیف پر روسی حملے کے نتیجے میں ہونے والی تباہی کا منظر (رائٹرز)
کل کیف پر روسی حملے کے نتیجے میں ہونے والی تباہی کا منظر (رائٹرز)

روس اور یوکرین کے جاری کردہ بیانات میں بتایا گیا کہ وہ ایک دوسرے کے ڈرون طیاروں کو تباہ کرنے کے مقابلے میں مسلسل باہمی الزامات مصروف ہیں۔

کل جمعرات کے روز یوکرین نے روس کی جانب سے داغے گئے 15 ایرانی ساختہ "شاہد" ڈرون طیاروں کو مار گرانے کا اعلان کیا۔

کیف کی فوجی انتظامیہ کے سربراہ سرگئی پوپکو نے کہا کہ فضائی دفاع نے "فضا میں تقریباً 15 اہداف کا پتہ لگا کر انہیں تباہ کر دیا۔" انہوں نے نشاندہی کی کہ حملہ آوروں نے 3 گھنٹے تک جاری رہنے والے حملے میں میزائلوں کا ایک ذخیری استعمال کیا۔

دوسری جانب، روسی وزارت دفاع نے کالوگا صوبے میں ڈرون طیاروں کے ساتھ یوکرین کے حملے کو روکنے میں فضائیہ کی کامیابی کا اعلان کیا، جس نے بغیر پائلٹ کے 6 ڈرون طیاروں کو تباہ کر دیا۔ (...)

جمعہ 17 محرم الحرام 1445 ہجری - 04 اگست 2023ء شمارہ نمبر [16320]



"ایکس" پلیٹ فارم پر گمراہ کن معلومات میں اضافے پر یورپی تشویش... اور سزا کی دھمکی

یورپی کمیشن کی نائب صدر ویرا یورووا برسلز میں خطاب کرتے ہوئے (ڈی پی اے)
یورپی کمیشن کی نائب صدر ویرا یورووا برسلز میں خطاب کرتے ہوئے (ڈی پی اے)
TT

"ایکس" پلیٹ فارم پر گمراہ کن معلومات میں اضافے پر یورپی تشویش... اور سزا کی دھمکی

یورپی کمیشن کی نائب صدر ویرا یورووا برسلز میں خطاب کرتے ہوئے (ڈی پی اے)
یورپی کمیشن کی نائب صدر ویرا یورووا برسلز میں خطاب کرتے ہوئے (ڈی پی اے)

یورپی کمیشن کی نائب صدر ویرا یورووا نے کل منگل کے روز خبردار کیا کہ یورپی یونین کی جانب سے ماڈل تجزیے کے مطابق "ایکس" پلیٹ فارم (سابقہ ​​ٹویٹر) پر دیگر سوشل نیٹ ورکس کے مقابلے میں گمراہ کن معلومات کا تناسب سب سے زیادہ ہے۔

اسپین، پولینڈ اور سلوواکیہ میں تین ماہ کے عرصے کے دوران کیے گئے اس تجزیے سے یہ بات سامنے آئی ہے کہ "ایکس" انفارمیشن گمراہ کن معلومات کو ختم کرنے کے معیارات سے متعلق یورپی یونین کے ضابطہ اخلاق کی پابندی میں نمایاں طور پر پیچھے ہے۔

جب کہ "ٹویٹر" ان درجنوں کمپنیوں میں سے ایک تھی جو سوشل نیٹ ورک چلاتے ہیں  اور جنہوں نے 2018 میں شروع ہونے پر رضاکارانہ ضابطہ اخلاق پر دستخط کیے تھے۔ لیکن ایلون مسک کا اس کمپنی کو حاصل کرنے اور اس کا نام بدل کر "ایکس" کرنے کے بعد کمپنی یورپی ضابطہ اخلاق سے دستبردار ہو گئی ہے۔

یورووا نے کہا کہ "ایکس، سابقہ ٹویٹر، جو اب ضابطہ اخلاق کا پابند نہیں ہے، جھوٹی اور گمراہ کن معلومات پر مشتمل پوسٹوں کا سب سے بڑا تناسب رکھنے والا پلیٹ فارم بن چکا ہے۔"

خیال رہے کہ یورووا کے یہ بیانات "فیس بُک" اور "گوگل" کی مالک کمپنی "میٹا"، "یوٹیوب" کی مالک کمپنی اور چین کی "ٹک ٹاک" کمپنی سمیت  44 کمپنیوں کی جانب سے ضابطہ اخلاق کی تعمیل پر اپنی پہلی مکمل رپورٹس جمع کرانے کے بعد سامنے آئے ہیں۔ (...)

بدھ-12 ربیع الاول 1445ہجری، 27 ستمبر 2023، شمارہ نمبر[16374]


فرانس نے نائجر سے اپنی افواج اور سفیر کو واپس بلانے کا فیصلہ کیا ہے: میکرون

فرانسیسی صدر ایمانوئل میکرون (اے پی)
فرانسیسی صدر ایمانوئل میکرون (اے پی)
TT

فرانس نے نائجر سے اپنی افواج اور سفیر کو واپس بلانے کا فیصلہ کیا ہے: میکرون

فرانسیسی صدر ایمانوئل میکرون (اے پی)
فرانسیسی صدر ایمانوئل میکرون (اے پی)

فرانسیسی صدر ایمانوئل میکرون نے اتوار کی شام اعلان کیا کہ "آنے والے گھنٹوں" میں نائجر میں فرانسیسی سفیر واپس فرانس آجائیں گے اور جب کہ فرانسیسی افواج سال کے آخر تک اس ملک سے نکل جائیں گی۔ جب کہ یہ اعلان نائجر کے عسکری کمیٹی کے ساتھ دو ماہ تک جاری رہنے والی کشیدگی کے بعد ہے۔

میکرون نے ایک ٹیلی ویژن انٹرویو میں "نائیجر کے ساتھ اہنے فوجی تعاون کو ختم کرنے" کی تصدیق کرتے ہوئے کہا کہ "فرانس نے نائجر سے اپنے سفیر کو واپس کرنے کا فیصلہ کیا ہے۔" انہوں نے وضاحت کی کہ افریقی ملک نائجر میں تعینات 1500 فرانسیسی فوجی "آنے والے ہفتوں اور مہینوں میں" وہاں سے انخلاء  شروع کر دیں گے جو "سال کے آخر تک" وہاں سے مکمل طور پر نکل جائیں گے۔ یاد رہے کہ نائجر میں 26 جولائی کو ایک فوجی بغاوت کے ذریعے صدر محمد بازوم کو ہٹا دیا گیا تھا۔

میکرون نے کہا کہ نائجر میں سابق نوآبادیاتی طاقت فرانس "بغاوت کے سازش کرنے والوں کے ہاتھوں یرغمال نہیں بنے گا،" جسے انہوں نے ایک جائز اتھارٹی کے طور پر تسلیم کرنے سے انکار کرتے ہیں۔ انہوں نے مزید کہا "ہم پھر بھی بغاوت کرنے والوں سے مشاورت کریں گے کیونکہ ہم چاہتے ہیں کہ معاملات پرسکون طریقے سے آگے بڑھیں۔"

خیال رہے کہ حالیہ برسوں میں فرانس کا مغربی افریقہ میں اپنی سابقہ ​​کالونیوں میں اثر و رسوخ کم ہوا ہے، جس سے فرانس میں سخت عوامی تنقید میں اضافہ ہوا ہے۔ اسی طرح فرانسیسی افواج کو پڑوسی ممالک مالی اور بورکینا فاسو میں ہونے والی بغاوتوں کے بعد ان دونوں ممالک سے بھی نکالا جا چکا ہے۔ چنانچہ خطے میں عسکریت پسندوں کی شورش کے سبب پیرس کا کردار علاقے میں کم ہو چکا ہے کیونکہ نائجر فرانس اور امریکہ کے لیے ایک بڑا سیکورٹی پارٹنر رہا ہے اور ان دونوں ممالک نے وہاں بغاوت ہونے سے پہلے تک اسے مغربی اور وسطی افریقہ کے ساحلی علاقے میں بغاوت سے لڑنے کے لیے بطور چھاؤنی استعمال کرتے رہے ہیں۔ اور اب 26 جولائی کی بغاوت کے بعد سے  نائجر کے دارالحکومت نیامی میں فرانسیسی فوجی اڈہ فرانس مخالف مظاہروں کا مرکز بن گیا ہے۔ (...)

پیر-10 ربیع الاول 1445ہجری، 25 ستمبر 2023، شمارہ نمبر[16372]


روسی فوج نے جنگ کے آغاز سے اب تک 273,980 فوجیوں کو کھو دیا ہے: یوکرین

یوکرین کے ایک میزائل لانچر سے باخموت محاذ پر روسی پوزیشنوں پر فائر کیا جا رہا ہے (اے پی)
یوکرین کے ایک میزائل لانچر سے باخموت محاذ پر روسی پوزیشنوں پر فائر کیا جا رہا ہے (اے پی)
TT

روسی فوج نے جنگ کے آغاز سے اب تک 273,980 فوجیوں کو کھو دیا ہے: یوکرین

یوکرین کے ایک میزائل لانچر سے باخموت محاذ پر روسی پوزیشنوں پر فائر کیا جا رہا ہے (اے پی)
یوکرین کے ایک میزائل لانچر سے باخموت محاذ پر روسی پوزیشنوں پر فائر کیا جا رہا ہے (اے پی)

کل بدھ کے روز یوکرین کی فوج نے اعلان کیا کہ روس کی جانب سے 24 فروری 2022 کو یوکرین کے خلاف سروع کی گئی جنگ کے بعد سے اب تک ہلاک ہونے والے روسی فوجیوں کی تعداد بڑھ کر تقریباً 273,980 ہو گئی ہے، جن میں پرسوں منگل کے روز ہلاک ہونے والے 520 فوجی بھی شامل ہیں۔

خیال رہے کہ یہ بات یوکرین کی مسلح افواج کے جنرل اسٹاف کے فیس بک پیج پر جاری کردہ ایک بیان میں سامنے آئی اور یوکرین کی قومی خبر رساں ایجنسی "یوکرینفارم" نے بدھ کے روز اس کی اطلاع دی۔

بیان میں کہا گیا ہے کہ یوکرینی افواج نے ان تک روسی افواج کے 4,635 ٹینک، 8,868 بکتر بند گاڑیاں، 6,096 آرٹلری سسٹمز، 779 متعدد راکٹ لانچر سسٹم اور 526 فضائی دفاعی نظام کو تباہ کیا ہے۔ بیان میں مزید کہا گیا ہے کہ اس کے علاوہ 5 طیارے، 316 ہیلی کاپٹر، 8633 گاڑیاں اور ایندھن کے ٹینک، 20 جنگی بحری جہاز، ایک آبدوز، 4,821 ڈرون طیارے، 906 خصوصی آلات کے یونٹس اور 1,479 کروز میزائل بھی تباہ کیے گئے، جیسا کہ جرمن خبر رساں ایجنسی نے رپورٹ کیا ہے۔

جمعرات-06 ربیع الاول 1445ہجری، 21 ستمبر 2023، شمارہ نمبر[16368]


روس کا کاراباغ کے خطرناک علاقوں سے 5 ہزار افراد کے نکالنے کا اعلان

روسی امن دستے ناگورنو کاراباغ کے علاقے سے شہریوں کو نکالنے میں مدد کر رہے ہیں  (EPA)
روسی امن دستے ناگورنو کاراباغ کے علاقے سے شہریوں کو نکالنے میں مدد کر رہے ہیں (EPA)
TT

روس کا کاراباغ کے خطرناک علاقوں سے 5 ہزار افراد کے نکالنے کا اعلان

روسی امن دستے ناگورنو کاراباغ کے علاقے سے شہریوں کو نکالنے میں مدد کر رہے ہیں  (EPA)
روسی امن دستے ناگورنو کاراباغ کے علاقے سے شہریوں کو نکالنے میں مدد کر رہے ہیں (EPA)

روس کی "انٹرفیکس" خبر رساں ایجنسی نے وزارت دفاع سے نقل کیا ہے کہ آج جمعرات کے روز روسی امن دستے آذربائیجان کے علاقے نگورنو کاراباغ کے خطرناک علاقوں کے تقریباً 5000 رہائشیوں کو وہاں سے انخلاء کے بعد پناہ فراہم کر رہے ہیں، جیسا کہ "رائٹرز" نے اطلاع دی ہے۔

روسی صدر ولادیمیر پوٹن نے کل اعلان کیا کہ نگورنو کاراباغ کے علاقے میں آذربائیجان اور آرمینیائی علیحدگی پسندوں کے درمیان آج ہونے والے مذاکرات میں ماسکو کی امن فوج ثالثی کا کردار ادا کرے گی۔

کریملن نے ایک بیان میں کہا کہ پوٹن نے آرمینیائی وزیر اعظم نکول پشینیان کو ٹیلی فون کال میں مطلع کیا کہ "یہ مذاکرات خطے میں تعینات روسی امن دستے کی قیادت کی ثالثی کے ذریعے ہو رہے ہیں۔" جب کہ یہ مذاکرات کل باکو فورسز کی طرف سے شروع کی گئی اس فوجی کارروائی کے بعد ہے، جو آج علیحدگی پسندوں کے ہتھیار ڈالنے کے بعد جنگ بندی کے معاہدے کے نتیجے میں ختم ہو گئی۔

جمعرات-06 ربیع الاول 1445ہجری، 21 ستمبر 2023، شمارہ نمبر[16368]


روس خوراک، توانائی اور بچوں کو بطور ہتھیار استعمال کر رہا ہے: زیلینسکی

یوکرین کے صدر ولادیمیر زیلنسکی منگل کے روز ریاست ہائے متحدہ کے شہر نیویارک میں اقوام متحدہ کی جنرل اسمبلی میں اپنی تقریر کے دوران 19 ستمبر 2023 (اے ایف پی)
یوکرین کے صدر ولادیمیر زیلنسکی منگل کے روز ریاست ہائے متحدہ کے شہر نیویارک میں اقوام متحدہ کی جنرل اسمبلی میں اپنی تقریر کے دوران 19 ستمبر 2023 (اے ایف پی)
TT

روس خوراک، توانائی اور بچوں کو بطور ہتھیار استعمال کر رہا ہے: زیلینسکی

یوکرین کے صدر ولادیمیر زیلنسکی منگل کے روز ریاست ہائے متحدہ کے شہر نیویارک میں اقوام متحدہ کی جنرل اسمبلی میں اپنی تقریر کے دوران 19 ستمبر 2023 (اے ایف پی)
یوکرین کے صدر ولادیمیر زیلنسکی منگل کے روز ریاست ہائے متحدہ کے شہر نیویارک میں اقوام متحدہ کی جنرل اسمبلی میں اپنی تقریر کے دوران 19 ستمبر 2023 (اے ایف پی)

یوکرین کے صدر ولادیمیر زیلنسکی نے 2022 میں روس کی طرف سے ان کے ملک پر حملہ کیے کے بعد منگل کے روز جنرل اسمبلی کے سالانہ اجلاسوں میں پہلی بار بذات خود شرکت کے دوران کہا کہ روس اپنی یوکرین کے خلاف جنگ میں خوراک اور توانائی سے لے کر اغوا شدہ بچوں تک کو استعمال کر رہا ہے۔

انہوں نے عالمی رہنماؤں کو خبردار کیا کہ ان کے ساتھ بھی ایسا ہی ہوسکتا ہے۔ "ایسوسی ایٹڈ پریس" کے مطابق، زیلنسکی نے اقوام متحدہ کی جنرل اسمبلی کے سالانہ اعلیٰ سطحی اجلاس میں کہا: "جب نفرت کو کسی ملک کے خلاف بطور ہتھیار استعمال کیا جاتا ہے تو اس کی کبھی کوئی حد نہیں ہوتی۔ یوکرین کے خلاف موجودہ جنگ کا مقصد وہ قوانین پر مبنی بین الاقوامی نظام کے خلاف ہماری سرزمین، ہمارے لوگوں، ہماری زندگیوں اور ہمارے وسائل کو آپ کے خلاف ہتھیاروں میں تبدیل کرنا چاہتے ہیں۔"

انہوں نے ایندھن اور خوراک کی فراہمی پر جنگ کے اثرات کی جانب اشارہ کیا۔ انہوں نے اس بات پر روشنی ڈالی کہ یوکرین کا کہنا ہے کہ ماسکو کے حملے کے بعد ان کے خاندانوں سے کم سے کم دسیوں ہزار بچے چھین لیے گئے ہیں۔

زیلنسکی نے کہا: "روس میں ان بچوں کو یوکرین سے نفرت کرنا سکھایا گیا اور ان کے خاندانوں سے تمام تعلقات منقطع کر دیئے گئے، جو کہ واضح طور پر نسل کشی ہے۔"(...)

بدھ-05 ربیع الاول 1445ہجری، 20 ستمبر 2023، شمارہ نمبر[16367]


روس یوکرین کے حملوں سے بچنے کے لیے ماسکو کے گرد اپنے فضائی دفاع کو منظم کر رہا ہے

ماسکو کے اردگرد کی عمارت پر یوکرین کے ڈرون حملے کے نتیجے میں ٹوٹی ہوئی کھڑکیاں (ای پی اے)
ماسکو کے اردگرد کی عمارت پر یوکرین کے ڈرون حملے کے نتیجے میں ٹوٹی ہوئی کھڑکیاں (ای پی اے)
TT

روس یوکرین کے حملوں سے بچنے کے لیے ماسکو کے گرد اپنے فضائی دفاع کو منظم کر رہا ہے

ماسکو کے اردگرد کی عمارت پر یوکرین کے ڈرون حملے کے نتیجے میں ٹوٹی ہوئی کھڑکیاں (ای پی اے)
ماسکو کے اردگرد کی عمارت پر یوکرین کے ڈرون حملے کے نتیجے میں ٹوٹی ہوئی کھڑکیاں (ای پی اے)

لندن میں برطانوی وزارت دفاع نے منگل کے روز کہا کہ روس نے دارالحکومت ماسکو کو یوکرین کے ڈرون حملوں سے بچانے کے لیے اس کے گرد اپنے فضائی دفاع کو دوبارہ منظم کیا ہے۔ برطانوی وزارت نے "X " ویب سائٹ (سابقہ ​​ٹویٹر) کے ذریعے کہا: "دارالحکومت کے ارد گرد بلند ٹاورز پر روسی فضائی دفاعی نظام "SA-22" کے ہونے کی تصاویر رواں ماہ ستمبر کے اوائل سے ہی لی جا رہی ہیں۔"

روس نے گزشتہ دسمبر میں فضائی اڈوں کو نشانہ بنانے والے حملوں کے بعد دارالحکومت ماسکو میں سرکاری عمارتوں کی چھتوں پر فضائی دفاعی نظام تعینات کر دیئے تھے۔ جرمن ایجنسی کی رپورٹ کے مطابق، وزارت نے کہا کہ، یہ اقدام ڈرونز کو مانیٹر کرنے اور ان کا مقابلہ کرنے کے لیے تھا، لیکن حکومت نے اس سے عوام کو یقین دلایا اور یہ ظاہر کیا کہ حکام خطرے کو کنٹرول کر رہے ہیں۔

خیال رہے کہ برطانوی وزارت دفاع یوکرین میں جنگ کے بارے میں انٹیلی جنس معلومات کی بنیاد پر روزانہ اپ ڈیٹس شائع کرتی ہے،  جب سے روس نے فروری 2022 میں یوکرین پر اپنا جامع حملہ شروع کیا تھا۔ جب کہ دوسری طرف، ماسکو الزام عائد کرتا ہے کہ لندن جنگ کے بارے میں گمراہ کن مہم چلا رہا ہے۔ (...)

بدھ-28 صفر 1445ہجری، 13 ستمبر 2023، شمارہ نمبر[16360]


فرانس لیبیا میں سیلاب کے بعد ہنگامی امداد فراہم کرنے کے لیے وسائل جمع کر رہا ہے: میکرون

فرانسیسی صدر ایمانوئل میکرون نئی دہلی بھارت میں 10 ستمبر 2023 میں "جی 20" سربراہی اجلاس میں ایک پریس کانفرنس کرتے ہوئے (رائٹرز)
فرانسیسی صدر ایمانوئل میکرون نئی دہلی بھارت میں 10 ستمبر 2023 میں "جی 20" سربراہی اجلاس میں ایک پریس کانفرنس کرتے ہوئے (رائٹرز)
TT

فرانس لیبیا میں سیلاب کے بعد ہنگامی امداد فراہم کرنے کے لیے وسائل جمع کر رہا ہے: میکرون

فرانسیسی صدر ایمانوئل میکرون نئی دہلی بھارت میں 10 ستمبر 2023 میں "جی 20" سربراہی اجلاس میں ایک پریس کانفرنس کرتے ہوئے (رائٹرز)
فرانسیسی صدر ایمانوئل میکرون نئی دہلی بھارت میں 10 ستمبر 2023 میں "جی 20" سربراہی اجلاس میں ایک پریس کانفرنس کرتے ہوئے (رائٹرز)

فرانسیسی صدر ایمانوئل میکرون نے کل پیر کے روز کہا کہ فرانس لیبیا میں سیلاب کے اثرات سے نمٹنے کے لیے ضروری ہنگامی امداد فراہم کرنے کے لیے وسائل کو جمع کر رہا ہے۔

میکرون نے "X" پلیٹ فارم (سابقہ ​​ٹویٹر) پر اپنے اکاؤنٹ میں کہا: "میں لیبیا کی عوام کے ساتھ اپنی یکجہتی کا اظہار کرتا ہوں کہ جن کے ملک کو خوفناک سیلاب کا سامنا ہے۔"

قبل ازیں، لیبیا کی صدارتی کونسل نے "برادر اور دوست ممالک اور بین الاقوامی تنظیموں سے آفت زدہ علاقوں میں امداد فراہم کرنے کی اپیل کی تھی۔"

صدارتی کونسل نے نشاندہی کی کہ سیلاب سے "سخت جانی و مالی نقصان پہنچا ہے اور عوامی سہولیات کے بنیادی ڈھانچے بری طرح متاثر ہوئے ہیں۔"

منگل-27 صفر 1445ہجری، 12 ستمبر 2023، شمارہ نمبر[16359]


روس کے زیر قبضہ یوکرینی علاقوں میں انتخابات میں پوٹن کی زیر قیادت پارٹی کامیاب

دونیتسک کے ایک مرکز میں ووٹنگ کے دوران لی گئی ایک تصویر (اے ایف پی)
دونیتسک کے ایک مرکز میں ووٹنگ کے دوران لی گئی ایک تصویر (اے ایف پی)
TT

روس کے زیر قبضہ یوکرینی علاقوں میں انتخابات میں پوٹن کی زیر قیادت پارٹی کامیاب

دونیتسک کے ایک مرکز میں ووٹنگ کے دوران لی گئی ایک تصویر (اے ایف پی)
دونیتسک کے ایک مرکز میں ووٹنگ کے دوران لی گئی ایک تصویر (اے ایف پی)

اتوار کے روز روسی الیکشن کمیشن نے ماسکو کے ساتھ الحاق کیے گئے یوکرین کے چار علاقوں میں ہونے والے بلدیاتی انتخابات میں کریملن کی حامی "یونائیٹڈ روس" پارٹی کی فتح کا اعلان کیا، جب کہ کیف نے ان انتخابات کو مسترد قرار دیا ہے۔

روس کی طرف سے مقرر کردہ عہدیداروں کے ساتھ ساتھ الیکشن کمیشن نے کہا کہ روسی افواج کے جزوی زیر کنٹرول یوکرین کے جنوبی اور مشرقی علاقوں کے ووٹروں نے بھاری اکثریت سے "یونائیٹڈ روس" پارٹی کی حمایت کی، اور دعویٰ کیا کہ پارٹی نے ہر علاقے میں 70 فیصد سے رائد ووٹوں کے ساتھ کامیابی حاصل کی ہے۔

پیر-26 صفر 1445ہجری، 11 ستمبر 2023، شمارہ نمبر[16358]


مغرب نے نازی ازم کو چھپانے کے لیے ایک یہودی کو یوکرین کی صدارت کے لیے مقرر کیا: پوٹن

روسی صدر ولادیمیر پوٹن 5 ستمبر 2023 کو روس کے شہر سوچی میں ویڈیو لنک کے ذریعے میٹنگ میں شرکت کر رہے ہیں (رائٹرز)
روسی صدر ولادیمیر پوٹن 5 ستمبر 2023 کو روس کے شہر سوچی میں ویڈیو لنک کے ذریعے میٹنگ میں شرکت کر رہے ہیں (رائٹرز)
TT

مغرب نے نازی ازم کو چھپانے کے لیے ایک یہودی کو یوکرین کی صدارت کے لیے مقرر کیا: پوٹن

روسی صدر ولادیمیر پوٹن 5 ستمبر 2023 کو روس کے شہر سوچی میں ویڈیو لنک کے ذریعے میٹنگ میں شرکت کر رہے ہیں (رائٹرز)
روسی صدر ولادیمیر پوٹن 5 ستمبر 2023 کو روس کے شہر سوچی میں ویڈیو لنک کے ذریعے میٹنگ میں شرکت کر رہے ہیں (رائٹرز)

خبر رساں ادارے "روئٹرز" کی رپورٹ کے مطابق، روسی صدر ولادیمیر پوٹن نے کہا کہ مغربی طاقتوں نے نازی ازم کی تكريم اور اس کی پردہ پوشی کے لیے ایک یہودی ولادیمیر زیلنسکی کو یوکرین کا صدر مقرر کیا۔

روس نے یوکرین پر اپنے حملے کا جواز پیش کرنے کی کوشش میں، جسے وہ "خصوصی فوجی آپریشن" کے طور پر بیان کرتا ہے، کیف کے رہنماؤں پر نيا نازی ہونے کا الزام لگايا، جنہوں نے یوکرین میں لاکھوں روسی بولنے والے لوگوں کے خلاف "نسل کشی" کی۔

دوسری جانب، کیف اور اس کے مغربی اتحادیوں نے کہا کہ یہ الزامات بے بنیاد ہیں اور یہ ماسکو کی طرف سے محض ایک بہانہ ہے جو اس نے یوکرین پر قبضہ کرنے کے لیے اپنی جنگ کے لیے بنایا ہے۔

خيال رہے کہ یہ پہلا موقع نہیں ہے کہ جب پوٹن یوکرین کی جمہوری منتخب حکومت کو دوسری جنگ عظیم میں نازی جرمنی کی قابض افواج اور ان کے مقامی شراکت داروں کے ہاتھوں اس وقت کے سوویت یوکرین کے یوکرینی یہودیوں کے قتل عام سے جوڑنے کی کوشش کر رہے ہیں۔

پوٹن نے ایک ٹیلی ویژن انٹرویو میں کہا: "مغربی سرپرستوں نے ایک شخص کو جدید یوکرین (نصب اور نسل کے لحاظ سے یہودی) کے سر پر مسلط كر رکھا ہے... میرے نقطہ نظر سے، وہ ایک غیر انسانی کردار کو چھپا رہے ہیں، اور یہی جدید یوکرینی ریاست کی بنیاد ہے۔"(…)

جمعرات-21 صفر 1445ہجری، 06 ستمبر 2023، شمارہ نمبر[16353]


روس نے اعلان کیا ہے کہ اس نے یوکرین کے ایک گروپ کی اپنی سرزمین میں داخل ہونے کی کوشش کو ناکام بنا دیا

ماسکو کے علاقے کراسنوگورسک میں ایک شخص 22 اگست 2023 کو دو ڈرونز کے گرنے سے تباہ ہونے والی کار کے پاس سے گزر رہا ہے (ای پی اے)
ماسکو کے علاقے کراسنوگورسک میں ایک شخص 22 اگست 2023 کو دو ڈرونز کے گرنے سے تباہ ہونے والی کار کے پاس سے گزر رہا ہے (ای پی اے)
TT

روس نے اعلان کیا ہے کہ اس نے یوکرین کے ایک گروپ کی اپنی سرزمین میں داخل ہونے کی کوشش کو ناکام بنا دیا

ماسکو کے علاقے کراسنوگورسک میں ایک شخص 22 اگست 2023 کو دو ڈرونز کے گرنے سے تباہ ہونے والی کار کے پاس سے گزر رہا ہے (ای پی اے)
ماسکو کے علاقے کراسنوگورسک میں ایک شخص 22 اگست 2023 کو دو ڈرونز کے گرنے سے تباہ ہونے والی کار کے پاس سے گزر رہا ہے (ای پی اے)

روس کے مغرب میں برائنسک علاقے کے گورنر نے اعلان کیا ہے کہ سرحدی محافظوں اور سیکیورٹی فورسز نے پیر کے روز یوکرین کے ایک "تخریب کار گروپ" کی طرف سے روسی علاقے میں داخل ہونے کی کوشش کو ناکام بنا دیا ہے۔

ماسکو نے اس سال یوکرینی گروپوں کے بارے میں بارہا بات کی جنہوں نے اس کی سرزمین میں دراندازی کی کوشش کی، حتی کہ فرانسیسی پریس ایجنسی کی رپورٹ کے مطابق، گزشتہ مئی میں بیلگوروڈ کے علاقے میں ایک ایسی ہی کوشش سے نمٹنے کے لیے ہیلی کاپٹر بھی بھیجے گئے تھے۔

گورنر الیگزینڈر بوگوماز نے "ٹیلیگرام" کے ذریعے کہا کہ "روسی سرحدی محافظوں کے افراد اور روسی وزارت دفاع کے یونٹوں نے یوکرین کے تخریب کاری اور جاسوسی گروپ کی روسی فیڈریشن کی حدود میں داخل ہونے کی کوشش کو ناکام بنا دیا۔"

خیال رہے کہ برائنسک کا علاقہ، مغربی روس میں ماسکو کے اتحادی بیلاروس اور یوکرین کی سرحد پر واقع ہے۔

بہت سے روسی سرحدی علاقوں کی طرح برائنسک پر بھی یوکرین کی طرف سے باقاعدگی سے حملہ اور بمباری کا سلسلہ جاری ہے۔(...)

منگل-20 صفر 1445ہجری، 05 ستمبر 2023، شمارہ نمبر[16352]