یوکرین کی فضائیہ کے کمانڈر نے آج منگل کے روز کہا کہ یوکرین نے جزیرہ نما کریمیا کے شہر فیودوسیا پر فضائی حملہ کیا، جب کہ ان کا یہ بیان اس علاقے میں روس کی جانب سے مقرر کردہ گورنر کے اس بیان کے بعد ہے کہ حملے کے نتیجے میں شہر کے بندرگاہی علاقے میں آگ بھڑک اٹھی ہے۔
یوکرین کی فضائیہ کے کمانڈر مائکولا اولیشچک نے "ٹیلی گرام" ایپلی کیشن پر کہا کہ اس حملے میں ایک بڑا روسی جنگی جہاز ،لینڈنگ شپ “نووچرکاسک”، تباہ ہو گیا ہے، لیکن انہوں نے اس کی تصدیق میں کوئی ثبوت فراہم نہیں کیا۔
انہوں نے مزید کہا کہ "روس میں بحری بیڑے مزید کم سے کم تر ہوتے جا رہے ہیں! جس پر فضائیہ کے پائلٹوں اور اس میں شامل ہر فرد کا شکریہ!"۔
اس رپورٹ کی آزادانہ طور پر تصدیق نہیں کی جاسکی اور "روئیٹرز" کی رپورٹ کے مطابق، روس کی جانب سے فوری طور پر اس پر کوئی تبصرہ نہیں کیا گیا ہے۔
خیال رہے کہ 22 ماہ سے جاری اس جنگ میں روس اور یوکرین اپنے دعووں میں ایک دوسرے کے نقصانات کو بڑھا چڑھا کر پیش کرتے ہیں لیکن دونوں ممالک جانی اور سازوسامان کے نقصان کو کم سمجھتے ہیں۔
اس سے قبل منگل کے روز کریمیا میں روس کی طرف سے مقرر کردہ گورنر سرگئی اکسیونوف نے کہا کہ، یوکرین کے حملے کے نتیجے میں شہر کے بندرگاہی علاقے میں آگ لگ گئی تھی، جس پر فوری طور پر کنٹرول کر لیا گیا۔ (...)
منگل-13 جمادى الآخر 1445ہجری، 26 دسمبر 2023، شمارہ نمبر[16464]
