سعودی وزراء کونسل نے منگل کے روز امید ظاہر کی کہ سعودی عرب، عرب لیگ اور یورپی یونین کی طرف سے مصر اور اردن کے تعاون سے مشرق وسطی میں شروع کیے گئے امن عمل کو بحال کرنے کی کوششیں خطے میں سلامتی اور استحکام کے حصول میں معاون ثابت ہوں گی جو کہ بین الاقوامی قانونی قراردادوں اور عرب امن اقدام کے مطابق 1967 کی سرحدوں پر ایک آزاد فلسطینی ریاست کے قیام کے ذریعے ممکن ہے کہ جس کا دارالحکومت مشرقی القدس ہو۔
کونسل نے نیوم میں ولی عہد اور وزیر اعظم شہزادہ محمد بن سلمان کی زیر صدارت ہونے والے اجلاس کے دوران اس بات کا اعادہ کیا کہ مملکت نے ویانا میں منعقد ہونے والی بین الاقوامی جوہری توانائی ایجنسی کی جنرل کانفرنس میں انسانیت کی خدمت کے لیے جوہری ٹیکنالوجی کو استعمال کرنے کے لیے بین الاقوامی تعاون کو مضبوط بنانے اور جوہری ہتھیاروں کے عدم پھیلاؤ کے معاہدے پر عمل درآمد کی اہمیت اور خاص طور پر مشرق وسطی سمیت دنیا کو جوہری ہتھیاروں سے پاک کرنے کے حصول کے لیے اپنی حمایت کی یقین دہانی کی۔
اجلاس کے آغاز میں شہزادہ محمد بن سلمان نے برادر اور دوست ممالک کے رہنماؤں کا شکریہ ادا کیا کہ جنہوں نے مملکت کے 93ویں قومی دن کے موقع پر ان کےپر خلوص جذبات اور نیک خواہشات کا اظہار کیا، انہوں نے بھی ان کے ممالک کی مزید ترقی و خوشحالی کے لیے اپنی خواہش کا اظہار کیا۔ (...)
بدھ-12 ربیع الاول 1445ہجری، 27 ستمبر 2023، شمارہ نمبر[16374]
