سعودی عرب کا تیل کی پیداوار کو 13 ملین بیرل فی دن تک بڑھانے کا اعلان https://urdu.aawsat.com/home/article/2176961/%D8%B3%D8%B9%D9%88%D8%AF%DB%8C-%D8%B9%D8%B1%D8%A8-%DA%A9%D8%A7-%D8%AA%DB%8C%D9%84-%DA%A9%DB%8C-%D9%BE%DB%8C%D8%AF%D8%A7%D9%88%D8%A7%D8%B1-%DA%A9%D9%88-13-%D9%85%D9%84%DB%8C%D9%86-%D8%A8%DB%8C%D8%B1%D9%84-%D9%81%DB%8C-%D8%AF%D9%86-%D8%AA%DA%A9-%D8%A8%DA%91%DA%BE%D8%A7%D9%86%DB%92-%DA%A9%D8%A7-%D8%A7%D8%B9%D9%84%D8%A7%D9%86
سعودی عرب کا تیل کی پیداوار کو 13 ملین بیرل فی دن تک بڑھانے کا اعلان
ارامکو اپنی پیداواری صلاحیت کو روزانہ 13 ملین بیرل تک پہنچانے کے لئے حکومت کی ہدایت پر عمل درآمد کرنے کی پوری صلاحیت سے کام کر رہا ہے (الشرق الاوسط)
ریاض: «الشرق الأوسط»
TT
TT
سعودی عرب کا تیل کی پیداوار کو 13 ملین بیرل فی دن تک بڑھانے کا اعلان
ارامکو اپنی پیداواری صلاحیت کو روزانہ 13 ملین بیرل تک پہنچانے کے لئے حکومت کی ہدایت پر عمل درآمد کرنے کی پوری صلاحیت سے کام کر رہا ہے (الشرق الاوسط)
"اوپیک +" معاہدہ کے بے نتیجہ خاتمہ کے بعد سعودی عرب نے کل تیل کی پیداوار بڑھانے کے منصوبے کا اعلان کیا ہے جبکہ متحدہ عرب امارات نے بھی کچے تیل کی فراہمی میں اضافے پر آمادگی کا اظہار کیا ہے اور اس دوران روس نے بات چیت جاری رکھنے پر زور دیا ہے۔ عالمی تیل کمپنی "سعودی آرامکو" کے سی ای او امین الناصر نے کہا ہے کہ انکی کمپنی کو وزارت طاقت کی جانب سے موجودہ وقت میں 12 ملین بیرل سے روزانہ اپنی تیل کی پیداواری صلاحیت کو 13 ملین بیرل تک بڑھانے کی اجازت مل گئی ہے اور یہ بھی واضح کیا کہ کمپنی جلد از جلد اس ہدایت کو عملی جامہ پہنانے کی کوشش کر رہی ہے اور سعودی عرب گزشتہ کچھ مہینوں کے دوران روزانہ تقریبا 9.7 ملین بیرل تیل کی پیداوار کررہا تھا لیکن لاکھوں بیرل ذخیرہ شدہ خام تیل کے ہونے کے باوجود اس میں اضافی پیداوار کی صلاحیت موجود ہے جسے وہ کبھی بھی نکال سکتا ہے۔(۔۔۔) جمعرات 17رجب المرجب 1441 ہجرى - 12 مارچ 2020ء شماره نمبر [15080]
وزارت برائے انسانی وسائل نے 160 ممالک میں غیر ملکی افرادی قوت کے لیے "پیشہ ورانہ تصدیق" کے نفاذ کا آغاز کر دیا ہےhttps://urdu.aawsat.com/%D9%85%D8%B9%D9%8A%D8%B4%D8%AA/5104310-%D9%88%D8%B2%D8%A7%D8%B1%D8%AA-%D8%A8%D8%B1%D8%A7%D8%A6%DB%92-%D8%A7%D9%86%D8%B3%D8%A7%D9%86%DB%8C-%D9%88%D8%B3%D8%A7%D8%A6%D9%84-%D9%86%DB%92-160-%D9%85%D9%85%D8%A7%D9%84%DA%A9-%D9%85%DB%8C%DA%BA-%D8%BA%DB%8C%D8%B1-%D9%85%D9%84%DA%A9%DB%8C-%D8%A7%D9%81%D8%B1%D8%A7%D8%AF%DB%8C-%D9%82%D9%88%D8%AA-%DA%A9%DB%92-%D9%84%DB%8C%DB%92-%D9%BE%DB%8C%D8%B4%DB%81-%D9%88%D8%B1%D8%A7%D9%86%DB%81-%D8%AA%D8%B5%D8%AF%DB%8C%D9%82
وزارت برائے انسانی وسائل نے 160 ممالک میں غیر ملکی افرادی قوت کے لیے "پیشہ ورانہ تصدیق" کے نفاذ کا آغاز کر دیا ہے
"پروفیشنل ایکریڈیٹیشن" پروگرام کے تحت وزارت برائے انسانی وسائل اور سماجی ترقی نے ان تمام منتخب کردہ ممالک کا احاطہ مکمل کر لیا ہے جو پروفیشنل ویریفکیشن کے ذریعے مزدور برآمد کرتے ہیں۔ واضح رہے کہ اس اقدام کا مقصد غیر ملکی افرادی قوت کی مہارتوں کے میعار کو بہتر بنانا ہے۔ یہ ہدف وزارت خارجہ کے تعاون سے 160 ممالک میں مکمل کر لیا گیا۔
یہ سروس کابینہ کی قرارداد نمبر 195 کے مطابق ہے جس کا مقصد اس بات کو یقینی بنانا ہے کہ مملکت میں داخل ہونے سے پہلے تارکین وطن افراد کے پاس سعودی لیبر مارکیٹ کے عین مطابق قابل اعتماد تعلیمی قابلیت، عملی تجربہ اور اپنے پیشے میں مہارت ہو۔
"پیشہ ورانہ تصدیق" سروس کی مرکزی توجہ افرادی قوت کی متعلقہ شعبے میں میعاری تعلیمی قابلیت اور انتہائی ہنر مند پیشوں میں مہارت ہے۔ واضح رہے کہ یہ عمل سعودی عرب کے منظور شدہ درجہ بندی معیار کے مطابق کیا جاتا ہے جیسے کہ سعودی یونیفائیڈ کلاسیفیکیشن آف پروفیشنز اور سعودی یونیفائیڈ کلاسیفیکیشن آف ایجوکیشن لیولز اینڈ سپیشلائیزیشنز ۔ یہ سروس مکمل طور پر خودکار ہے اور یہ آسان اور تیز رفتار طریقہ کار کے ساتھ ایک مرکزی پلیٹ فارم کے ذریعے پیشہ ورانہ تصدیق کے لیے فراہم کی جاتی ہے۔
"پیشہ ورانہ تصدیق" کے نفاذ کے دوران وزارت برائے انسانی وسائل نے 1,007 پیشوں کا احاطہ مکمل کیا جس میں دنیا بھر سے تمام مزدور برآمد کرنے والے ممالک شامل ہیں ۔ وزارت متعلقہ حکام کے ساتھ مل کر انتہائی ہنر مند پیشوں کو شامل کرنے کا کام جاری رکھے گی جو سعودی یونیفائیڈ کلاسیفکیشن کے مطابق گروپ 1-3 میں آتے ہیں۔ ان پیشوں میں انجنیئرنگ، صحت سے منسلک شعبے بھی شامل ہیں۔
یہ بات قابل توجہ ہے کہ وزارت برائے انسانی وسائل اور سماجی ترقی کا مقصد اس سروس کے ذریعے لیبر مارکیٹ کو ریگولیٹ کرنا، لیبر مارکیٹ میں ملازمتوں اور سروسز کو بہتر بنانا اور پیداوار کے معیار کو بڑھانا ہے۔