بین الاقوامی ایٹمی توانائی ایجنسی کا ایک وفد ہفتوں تک جاری حملوں اور ایک بڑے جوہری حادثے کے خدشات کے پس منظر میں یوکرین کے زاپوریزیا جوہری پلانٹ کا رخ کرنے کو ہے اور انٹرنیشنل اٹامک انرجی ایجنسی کے ڈائریکٹر جنرل رافیل گروسی کم از کم دس افراد پر مشتمل اس وفد کی سربراہی ذاتی طور پر کر رہے ہیں تاکہ جنوبی یوکرین میں محاذ جنگ پر روسی فوج کے زیر قبضہ سٹیشن کا معائنہ کیا جا سکے۔
خبر رساں ادارے روئٹرز نے یوکرائنی وزارت خارجہ کے حوالے سے بتایا ہے کہ یہ مشن ویانا سے روانہ ہو گیا ہے اور کل کیو پہنچنا تھا جبکہ وزارت کے ترجمان اولیگ نکولینکو نے فیس بک پر کہا ہے کہ وفد کی طرف سے آنے والے دنوں میں کام شروع کرنے کی امید ہے۔
اسی سلسلہ میں گروسی نے ایک ٹویٹ میں کہا ہے کہ ہمیں یوکرین کی سلامتی اور یورپ کے سب سے بڑے (ایٹمی) اسٹیشن کی حفاظت کرنی چاہیے اور ساتھ ہی جوہری تباہی کے حقیقی خطرے سے بچنے کی ضرورت پر زور دیا ہے۔(۔۔۔)
منگل 02 صفر المظفر 1444ہجری - 30 اگست 2022ء شمارہ نمبر[15981]
