کل منگل کے روز امریکی وزارت خارجہ نے اطلاع دی ہے کہ واشنگٹن اس وقت سوڈان میں جنگ کو روکنے کے لیے ایک نئے اقدام پر علاقائی مشاورت کر رہا ہے، اور امید ہے کہ اگلے چند روز میں ایک نقطہ نظر کا اعلان کیا جائے گا۔امریکی وزارت خارجہ کے ایک سینئر اہلکار نے کہا کہ سوڈان میں تنازع کے دونوں فریق جدہ مذاکرات کے اس موقع سے فائدہ نہیں اٹھا رہے، جو انہیں امریکہ اور سعودی عرب نے فراہم کیا تھا۔ اس اہلکار نے اپنی شناخت ظاہر کرنے سے انکار کرتے ہوئے واشنگٹن میں صحافیوں کو بتایا کہ مستقل طور پر لڑائی کے خاتمے کے لئے اٹھائے گئے اقدام کے تحت سوڈانی فوج اور "کوئیک سپورٹ" فورسز کے ساتھ جو آغاز میں اتفاق ہوا تھا اس کے پیش نظر جدہ مذاکرات کامیابی سے ہمکنار نہیں ہو پا رہے۔ انہوں نے گفتگو کو جاری رکھتے ہوئے کہا: "ہم اس وقت سوڈان میں آگے بڑھنے کے لیے سعودیوں، افریقیوں، عربوں اور دیگر شراکت داروں سے مشاورت کر رہے ہیں، اور ہمیں امید ہے کہ اگلے چند دنوں میں کسی ایک نقطہ نظر کا اعلان کیا جائے گا۔"دوسری جانب، سوڈانی وزارت خارجہ کو سوڈان میں بڑھتے ہوئے تنازع کو حل کرنے کے لیے پیر کے روز جبوتی میں منعقدہ بین الحکومتی اتھارٹی فار ڈیولپمنٹ ان ایسٹ افریقہ (IGAD) کے سربراہی اجلاس کے دوران لیے گئے اقدام کی شقوں پر کچھ تحفظات ہیں۔ (...)
بدھ-25 ذوالقعدہ 1444 ہجری، 14جون 2023، شمارہ نمبر (16269)
