تیونس کے وزیر اعظم احمد الحشانی عہدہ سنبھالنے کے بعد اگلے بدھ کے روز اپنا پہلا بیرون ملک دورہ الجزائر کا کریں گے۔
الحشانی نے نجلا بودین کی جگہ 2 اگست کو تیونس کی حکومتی سربراہی سنبھالی تھی۔
کل تیونس کے مقامی میڈیا نے رپورٹ کیا کہ الحشانی "تیونس-الجزائر کی مشترکہ سپریم کمیٹی" کے بائیسویں اجلاس میں شرکت کے لیے دو دن کے لیے الجزائر کا دورہ کریں گے۔
الحشانی کے ساتھ ایک سرکاری وفد بھی ہوگا، جو کمیٹی کے ساتھ اقتصادی و تجارتی منصوبوں اور دونوں ممالک کے درمیان سیکورٹی اور فوجی تعاون کا جائزہ لے گا۔ جب کہ الجزائر اور تیونس کے مابین مضبوط تعلقات پائے جاتے ہیں، جو دونوں ممالک کو مضبوط تاریخی تعلقات کے ساتھ ساتھ سیکورٹی کے میدان میں بھی جوڑے ہوئے ہیں۔
جیسا کہ دونوں ممالک کو الجزائر کے صحارا اور پھر مشترکہ سرحد کے ذریعے جنوبی صحارا کے افریقی ممالک سے ہزاروں تارکین وطن کی آمد کے بحران کا بھی سامنا ہے۔ جن کا مقصد مشرق میں تیونس کے ساحل تک پہنچ کر پھر یہاں سے بحیرہ روم کو پار کرکے قریبی اطالوی جزائر کی طرف جانا ہے۔ چنانچہ تیونس کو اپنے ساحلوں سے نقل مکانی کرنے والے ان افراد کو روکنے کے لیے یورپی دباؤ کا سامنا ہے۔
پیر-17 ربیع الاول 1445ہجری، 02 اکتوبر 2023، شمارہ نمبر[16379]
